Թուրքիայի իշխանությունները հայտարարել են, որ դադարեցնում են Իսրայելի հետ առևտուրը Գազայի հատվածում տիրող իրավիճակի և հարևան Սիրիային, Եմենին ու Լիբանանին Իսրայելի վերջին հարվածների պատճառով, ինչպես նաև փակում են երկրի օդային տարածքը իսրայելական ինքնաթիռների, իսկ նավահանգիստները՝ իսրայելական նավերի համար:
Թուրքիայի խորհրդարանը կոչ է արել դադարեցնել Իսրայելի անդամակցությունը ՄԱԿ-ին և այլ միջազգային կազմակերպություններին և դիմել է ամբողջ աշխարհի օրենսդիր մարմիններին՝ կոչ անելով դադարեցնել ռազմական և առևտրային կապերը Իսրայելի հետ:
«Մենք կոչ ենք անում կասեցնել Իսրայելի անդամակցությունը ՄԱԿ-ին և միջազգային կազմակերպություններին, մինչև նրա կառավարությունը չհրաժարվի իր ցեղասպանական քաղաքականությունից։ Մենք կոչ ենք անում բոլոր ազգային խորհրդարաններին դադարեցնել ռազմական և առևտրային հարաբերությունները Իսրայելի հետ և անհապաղ միջոցներ ձեռնարկել Պաղեստինի դեմ էմբարգոն վերացնելու համար»,- ասված է Թուրքիայի խորհրդարանի խոսնակ Նուման Քուրթուլմուշի կողմից ստորագրված փաստաթղթում։
Տեքստում նշվում է, որ թուրք խորհրդարանականները խստորեն դատապարտում են Իսրայելի կողմից Պաղեստինի երկարատև օկուպացիան։
«Մենք կոչ ենք անում միջազգային հանրությանը մեծացնել ճնշումը Իսրայելի վրա՝ անհապաղ և մշտական հրադադարի, զորքերի դուրսբերման և Գազա մարդասիրական օգնության անխափան մատակարարման հասնելու համար»,- ընդգծված է բանաձևում։