ԱՐԴԱՐՈՒԹՅՈՒՆ

Թուրքիան պատրաստ է լայնածավալ ռազմական գործողություն իրականացնել Սիրիայում գտնվող քրդական զինյալների դեմ: Այս մասին հայտնում է թուրքական Hürriyet թերթը։ Թուրքիայի Արտաքին գործերի նախարար Հաքան Ֆիդանը նախկինում հայտարարել է, որ Անկարան վերջնագիր է ներկայացրել Քուրդիստանի բանվորական կուսակցության (PKK) զինյալներին: Եթե նրանք զենքը վայր չդնեն և շարունակեն պահանջել այլ վարչակարգ` Սիրիայի Արաբական Հանրապետությունում (ՍԱՀ), իսկ արևմտյան երկրները շարունակեն այս ուղղությամբ իրենց պահանջները, ապա Սիրիայի պետության մասնակցությամբ լայնածավալ ռազմական գործողությունը կդառնա անխուսափելի։ Թերթը չի հստակեցնում, թե Արևմուտքի կողմից ի՞նչ պահանջների մասին է խոսքը։ Սակայն, ըստ թերթի տվյալների, Անկարան ձգտում է, որ PKK-YPG-ն դադարի գոյություն ունենալ։