ԱՄՆ նախագահ Դոնալդ Թրամփը, ով արդեն թողարկել է ամենատարբեր ապրանքներ, այժմ շուկա է հանել երկու նոր բույր։ Այս մասին նա հայտնել է Truth Social-ում․ «Trump օծանելիքներն արդեն այստեղ են։ Դրանք կոչվում են Victory 45–47, որովհետև ամեն ինչ պտտվում է հաղթանակի, ուժի և հաջողության շուրջ՝ տղամարդկանց և կանանց համար։ Կայքում կարելի է գտնել ավելի շատ տեղեկություն այս օծանելիքների մասին․ «Հայրենասերների համար, ովքեր երբեք չեն հանձնվում, ինչպես նախագահ Թրամփը։ Այս բույրը ձեր մարտական կոչն է շշի մեջ։ Թրամփի խորհրդանշական պատկերով և բարձրացրած բռունցքով այս սահմանափակ օծանելիքը մարմնավորում է ուժը, իշխանությունը և հաղթանակը»։ Օծանելիքի շշերը ոսկեզօծ են։ Դրանք վաճառվում են 249 դոլարից սկսած։ Բույրի կամ բաղադրիչների մասին ճշգրիտ տվյալներ չկան։ Թեև քննադատները ծաղրում են Թրամփի օծանելիքի գաղափարները, ԱՄՆ նախագահը գումար է աշխատում։ Նա արդեն թողարկել էր ոսկեգույն սպորտային կոշիկներ, ժամացույցներ և Աստվածաշունչ։ Ոչ մի այլ նախագահ իր գովազդային կերպարից այսքան եկամուտ չի ունեցել, որքան նա։ CNN-ի տվյալներով՝ միայն 2023 թվականին Թրամփը 7,2 միլիոն դոլար է աշխատել։
Թրամփը թողարկել է իր օծանելիքը. «Հայրենասերների հոտը, ովքեր երբեք չեն հանձնվում»
