ԱՄՆ նախագահ Դոնալդ Թրամփն Truth Social առցանց հարթակում գրել է․ «Քաղաքականապես ոչ կոռեկտ է օգտագործել «ռեժիմի փոփոխություն» արտահայտությունը, բայց եթե ներկայիս իրանական ռեժիմը ի վիճակի չէ Իրանը կրկին հզոր դարձնել ինչո՞ւ չփորձել կազմակերպել ռեժիմի փոփոխություն»։ The Wall Street Journal թերթը մեկնաբանում է այս գրառումը որպես Թրամփի՝ Իրանում իշխանափոխությունը աջակցելու պատրաստակամություն։ Այսպիսով, սա առաջին դեպքն է պատերազմի սկսվելուց ի վեր, երբ ԱՄՆ նախագահը բացեիբաց խոսում է նման հնարավորության մասին։ «Մենք չենք ձգտում ռեժիմի փոփոխության։ Մենք ուզում ենք վերջ դնել նրանց միջուկային ծրագրին, ապա երկխոսություն սկսել իրանցիների հետ՝ երկարաժամկետ լուծման համար», — ասել է ԱՄՆ փոխնախագահը Վենսը NBC-ին տված հարցազրույցում։ Այժմ, կարծես, այդ դիրքորոշումը կարող է փոխվել։ Bild պարբերականի փոխանցմամբ Հանրապետական կուսակցությունում կա մի խումբ, որը վաղուց է ձգտում Թեհրանում քաղաքական հեղաշրջման, և հնարավոր է՝ Սպիտակ տունը ապագայում հենվի այդ ուժի վրա։