ԱՄՆ նախագահ Դոնալդ Թրամփը հրաժարվել է Ուկրաինային փոխանցել խոստացված հրթիռները և դրանք ուղարկել է Մերձավոր Արևելք։ Այս մասին ասել է Ուկրաինայի նախագահ Վլադիմիր Զելենսկին՝ ABC News-ին տված հարցազրույցում։ Պետության ղեկավարի խոսքով՝ Կիևի և Վաշինգտոնի միջև նախկինում համաձայնություն էր ձեռք բերվել մի նախագծի վերաբերյալ, որը նախատեսում էր 20.000 մասնագիտացված զինամթերքի մատակարարում։ Խոսքը անօդաչու թռչող սարքերի արդյունավետ ոչնչացման ունակ հատուկ տեխնոլոգիայի մասին է։ Զելենսկին նաև ընդգծել է, որ նախորդ համաձայնություններից հետո Միացյալ Նահանգները անսպասելիորեն փոխել է իր որոշումը. «Այսօր առավոտյան իմ պաշտպանության նախարարն ասաց, որ Միացյալ Նահանգները փոխել է այս որոշումը, և այդ զինամթերքը ուղարկվել է մեկ այլ տարածաշրջան՝ Մերձավոր Արևելք»,_ասել է Զելենսկին։