ԱՐԴԱՐՈՒԹՅՈՒՆ

ԱՄՆ նախագահ Դոնալդ Թրամփը հայտարարել է, որ ԱՄՆ-ն դուրս է գալիս Առողջապահության համաշխարհային կազմակերպությունից։ Նրա այդ որոշումը քննադատության է արժանացել հանրային առողջապահության փորձագետների կողմից։ Հանրային ռադիոյի փոխանցմամբ` Թրամփը երկար ժամանակ քննադատում էր ՄԱԿ-ի առողջապահական գործակալությանը, և նրա վարչակազմը պաշտոնապես սկսեց դուրս գալ ԱՀԿ-ից 2020 թվականի հուլիսին, քանի որ Covid-19 համաճարակը շարունակում էր տարածվել:Բայց չորս տարի առաջ, ԱՄՆ նախկին նախագահ Ջո Բայդենը դադարեցրեց ԱՄՆ-ի ելքը կառույցից։Գործադիր հրամանի տեքստում որպես կառույցից ԱՄՆ-ի դուրս գալու պատճառ է նշվում «կազմակերպության սխալ վերաբերմունքը COVID-19 համաճարակի դեմ, անհրաժեշտ միջոցառումներ չընդունելու և ոչ պատշաճ քաղաքական ազդեցությունից անկախություն ցույց տալու անկարողությունը»։«Դա մեծ բան է», — ասել է Թրամփը, երբ ստորագրել է գործադիր հրամանը, նշելով իր 2020 թվականի որոշումը և իր համոզմունքը, որ ԱՄՆ-ը չափազանց շատ գումար է վճարում կազմակերպությանը: