ԱՄՆ նախագահ Դոնալդ Թրամփը ցույց է տվել «ոսկե» քարտը, որը հնարավորություն կտա 5 միլիոն դոլարով քաղաքացիություն ստանալ։
Ինչպես ընդգծում է հրատարակությունը, Թրամփը հպարտությամբ ցուցադրել է 5 միլիոն դոլար արժողությամբ նոր «ոսկե» քարտի դիզայնը Air Force One ինքնաթիռում գտնվող լրագրողներին։
«5 միլիոն դոլարով սա կարող է լինել ձերը: Սա քարտերից առաջինն է: Գիտե՞ք՝ ինչ է այս քարտը: Սա ոսկե քարտ է՝ Թրամփի քարտ»,- ասել է նա լրագրողներին:
Թրամփը հավելել է, որ ինքը առաջին գնորդն է, բայց չգիտի, թե ով է երկրորդ գնորդը և բացատրել է, որ քարտը «հավանաբար կթողարկվի երկու շաբաթից էլ քիչ ժամանակում»։
Հիշեցնենք՝ այս տարվա փետրվարին Թրամփը հայտարարել է, որ ԱՄՆ-ը ներմուծում է «ոսկե քարտերի» վաճառք՝ հարուստ օտարերկրացիներին իրավունք տալով ապրել և աշխատել ԱՄՆ-ում։ Քարտի արժեքը կկազմի 5 մլն դոլար։