Թրամփի և Զելենսկու նախատեսված մամուլի ասուլիսը չեղարկվել է։ Զելենսկին հեռացել է Սպիտակ տնից։
Կողմերն ընդհանուր հայտարարի չեն եկել։
Զելենսկին պատրաստ չէ խաղաղ կարգավորման։ Այս մասին սոցցանցի իր էջում գրել է ԱՄՆ նախագահ Դոնալդ Թրամփը։
«Զելենսկին պատրաստ չէ խաղաղ կարգավորման։ Նա Սպիտակ տանն անհարգալից վերաբերմունք է ցուցաբերել ԱՄՆ-ի նկատմամբ։ Ուկրաինայի նախագահը կարող է վերադառնալ, երբ պատրաստ լինի»,-գրել է նա։
Ավելի վաղ Սպիտակ տան ղեկավարը հայտնել էր, որ ուրբաթ կհանդիպի Զելենսկու հետ։ Ակնկալվում է, որ նախագահները կքննարկեն օգտակար հանածոների և հազվագյուտ մետաղների համատեղ արդյունահանման վերաբերյալ համաձայնագրերը: Ուկրաինական լրատվամիջոցների տարածած հաղորդագրության համաձայն՝ համաձայնագիրը բաղկացած է 11 կետից։
Նշենք, որ վերջին շաբաթների ընթացքում Թրամփը կտրուկ է արտահայտվել Զելենսկու մասին՝ նրան անվանելով դիկտատոր։ Իսկ, երբ լրագրողները օրերս Թրամփին հարցրել են, թե դեռ նույն կարծի՞քն ունի, նա պատասխանել է․ <<Բայց ես նման բա՞ն եմ ասել՝ չեմ հավատում>>։
Ի դեպ, Զելենսկին հայտնել է, որ բացի համաձայանգիրն ակնկալում է ազնիվ պատասխան այն մասին, թե Ուկրաինան կարո՞ղ է հույսը դնել ԱՄՆ վրա։