Աշխարհի ամենահարուստ մարդը` Իլոն Մասկը, ցանկանում է գնել անգլիական «Լիվերպուլը», Times Radio-ի եթերում ասել է նրա հայրը՝ Էրոլ Մասկը, ապա հավելե է, որ չէր ցանկանա այս մասին կարծիք հայտնել, քանի որ «գինը կբարձրացնեն»։
«Ցանկացած մարդ, այդ թվում ես կցանկանար գնել «Լիվերպուլը», բայց դա չի նշանակում, որ կգնի։ Նրա տատը ծնվել է Լիվերպուլում, մենք ազգականներ ունենք այդ քաղաքում: Բախտ ենք ունեցել ճանաչելու The Beatles խմբի անդամներին, որովհետև մեր ընտանիքի անդամը նրանց հետ է մեծացել: Այնպես որ, ամուր կապ ունենք Լիվերպուլի հետ»,-ընդգծել է Մասկի հայրը։