Այսօր կխոսենք այն մասին, թե ինչպե՞ս է ըմպելիքը փոխում ուղեղի աշխատանքը։
Մարդու ուղեղում կա ադենոզին անունով նյութը։ Այն կուտակվում է ու օրվա վերջին ուղեղին հրամայում է. «Հանգստանալու ժամանակն է»։ Բայց, երբ սուրճ եք խմում, կոֆեինն արգելափակում է ադենոզինի ռեցեպտորները։ Արդյունքում, ուղեղը չի նկատում հոգնածությունն ու շարունակում է աշխատել, կարծես ոչինչ էլ չի եղել։
Դրան գումարած, կոֆեինն ուժեղացնում է դոֆամինի ու ադրենալինի արտադրությունը, ինչից էլ առաջանում է առույգության ու թեթև էյֆորիայի զգացում։
Կաթն ու երեկոյան լռությունը
Տաք կաթում կա տրիպտոֆան ամինաթթուն։ Այն մասնակցում է սերոտոնինի (հանգստության հորմոնի) ու մելատոնինի (քնի հորմոնի) արտադրությանը։ Հատկապես տաք վիճակում կաթն օգնում է օրգանիզմին անցնել քնի ռեժիմի։
Հետաքրքիր է, որ կաթով սուրճի դեպքում այդ էֆեկտները մասնակիորեն չեզոքացնում են միմյանց, սակայն կոֆեինը, միևնույն է, հաղթում է։