Ներկայացնում ենք մարդկային հարաբերությունների բնագավառի ամերիկյան հայտնի մասնագետ, հոգեբան և գրող Դեյլ Քարնեգիի (1888-1955) «Ինչպես ձեռք բերել բարեկամներ և ազդել մարդկանց վրա» գրքից մեջբերումներ, որոնք 90 տարի անց էլ չեն կորցրել իրենց արդիականությունը:
Վեց կանոն, որոնց կատարումը թույլ է տալիս դուր գալ մարդկանց
1. Անկեղծորեն հետաքրքրվեք ուրիշներով:
2. Ժպտացե՛ք:
3. Հիշե՛ք, որ մարդու անունն իր համար ամենադյութիչ և ամենակարևոր բառն է:
4. Եղե՛ք լավ ունկնդիր: Խրախուսե՛ք ուրիշներին՝ խոսելու իրենց մասին:
5. Խոսե՛ք այն մասին, ինչը հետաքրքրում է ձեր զրուցակցին:
6. Ներշնչե՛ք ձեր զրուցակցին իր նշանակալիության գիտակցությունը և արե՛ք անկեղծորեն:
Տասներկու կանոն, որոնց կատարումը թույլ է տալիս մարդկանց հակել ձեր տեսակետին
1. Վեճում հաղթելու միակ միջոցը նրանից խուսափելն է:
2. Հարգանքո՛վ վերաբերվեք ձեր զրուցակցի կարծիքին:
3. Եթե իրավացի չեք, ընդունե՛ք արագ և վճռականորեն:
4. Ամենասկզբից հավատարի՛մ մնացեք բարեկամական տոնին:
5. Ստիպեք ձեր զրուցակցին անմիջապես պատասխանել «այո»:
6. Թող ավելի շատ ձեր զրուցակիցը խոսի:
7. Թող ձեր զրուցակիցը կարծի, որ տվյալ միտքը պատկանում է իրեն:
8. Անկեղծորեն ջանացե՛ք իրերին նայել ձեր զրուցակցի տեսակետից:
9. Կարեկցանքո՛վ վերաբերվեք ուրիշների մտքերին և ցանկություններին:
10. Կո՛չ արեք ավելի ազնիվ մղումների:
11. Թատերականացրե՛ք ձեր գաղափարները, մատուցե՛ք տպավորիչ:
12. Մարտահրավե՛ր նետեք, դիպե՛ք զգայուն թելերին:
Ինը կանոն, որոնց կատարումը թույլ է տալիս ազդել մարդկանց վրա` նրանց չնեղացնելով և վիրավորանքի զգացում չառաջացնելով
1. Սկսեք զրուցակցի արժանիքները գովելուց և անկեղծորեն գնահատելուց:
2. Ուրիշների սխալները ցո՛ւյց տվեք ոչ թե ուղղակի, այլ անուղղակի ձևով:
3. Նախ խոսեք սեփական սխալների մասին, իսկ հետո արդեն քննադատեք զրուցակցին:
4. Զրուցակցին հարցե՛ր տվեք նրան ինչ-որ բան հրամայելու փոխարեն:
5. Մարդկանց հնարավորությո՛ւն տվեք փրկելու իրենց հեղինակությունը:
6. Խրախուսե՛ք մարդկանց ամենափոքր հաջողությունները և նկատե՛ք նրանց յուրաքանչյուր նվաճում: Եղե՛ք «անկեղծ ձեր գնահատականում և շռայլ գովեստում»:
7. Մարդկանց համար բարի համբավ ստեղծեք, որը նրանք կջանան արդարացնել:
8. Դիմե՛ք խրախուսանքի: Այնպիսի տպավորություն ստեղծեք, որ սխալը, որ դուք ցանկանում եք ուղղված տեսնել, հեշտ ուղղելի է: Այնպե՛ս արեք, որ այն, ինչին դրդում եք մարդկանց, նրանց դժվար չթվա:
9. Հասե՛ք այն բանին, որ մարդիկ ուրախությամբ անեն այն, ինչ դուք եք առաջարկում: