Մոտենում է Սեպտեմբերի 1-ը։ Ներկայացնում ենք մի քանի միջոց՝ դպրոցին պատրաստվելիս ժամանակ խնայելու համար։

1․ Նախապես ցուցակ կազմեք։ Նախքան խանութ գնալը գրեք միայն այն, ինչ իսկապես անհրաժեշտ է։ Անպայման ստուգեք անցած տարվա գնած ապրանքները, որպեսզի ավելորդ գրենական պիտույք չգնեք։

2․Համեմատե՛ք գները խանութներում և օնլայն հարթակներում։ Ինտերնետ-խանութներում գները հաճախ ցածր են։ Համեմատե՛ք ցանցային սուպերմարկետների և օնլայն հարթակների առաջարկները։

3․Շատ գրենական պարագաներ ավելի էժան են փաթեթով։ Եթե մի քանի երեխայի համար ծնողներիը միասին գնեն, ստացվում է լավ խնայողություն։

4️⃣ Օգտագործե՛ք անցած տարվա իրերը։ Բոլորովին պարտադիր չէ ամեն ինչ նոր գնել։ Համազգեստը, պայուսակը, նոթատետրը, ռետինը կարող են ծառայել մի քանի տարի։ Նույնը՝ մատիտները, գրիչները, ներկերը։

5️⃣ Ընտրե՛ք որակյալը, ոչ թե ամենաէժանը։ Որակյալ իրերն ավելի երկար են ծառայում։ Օրինակ՝ լավ ու հարմար պայուսակ գնելով՝ ստիպված չեք լինի ամեն տարի գնել։ Հագուստի ու կոշիկի դեպքում բարդ է, քանի որ երեխան արագ է մեծանում։

6️⃣ Փնտրեք զեղչեր և ակցիաներ։ Զեղչերը լինում են ոչ միայն մինչև Սեպտեմբերի 1-ը, այլև դրանից հետո։ Մի՛ շտապեք ամեն ինչ գնել միանգամից։ Մի՛ մոռացեք պրոմոկոդների ու քեշբեք ծառայությունների մասին։

7️⃣ Մի՛ կենտրոնացեք բրենդների և նորաձևության վրա։ Հանրահայտ կերպարներով գրենական պիտույքը սովորաբար թանկ է։ Կարելի է մեկ նման բան գնել երեխայի համար, իսկ մնացածը՝ ամենապարզ տարբերակներով։

8️⃣ Համազգեստ և հագուստ։ Եթե անցած տարվա հագուստն ու կոշիկը դեռ հարմար են, նորից գնել պետք չէ։ Իսկ եթե պետք է՝ փնտրեք ոչ թե հատուկ խանութներում, այլ շուկայում։ Սպիտակ վերնաշապիկը, մուգ տաբատը կամ շրջազգեստը կգտնվեն գրեթե ամենուր։

9️⃣ Մի՛ թողեք ամեն ինչ վերջին օրվան։ Որքան մոտենում է Սեպտեմբերի 1-ը, այնքան գներն աճում են։ Եթե դեռ չեք սկսել պատրաստվել, հենց հիմա ճիշտ ժամանակն է։