Իսպանիայի Էլ-Գրադադո քաղաքում (Ուելվա նահանգ) շաբաթ օրը արձանագրվել է 46 աստիճան տաքություն․ նման շոգ հունիս ամսին Իսպանիայում չի եղել։ Այս մասին հայտնել է Իսպանիայի օդերևութաբանական գործակալությունը՝ Aemet-ը։ Նախորդ ռեկորդը կազմել էր 45,2 աստիճան՝ գրանցված 1965 թվականի հունիսին Սևիլիայում։ Իսպանիայի այլ շրջաններում նույնպես արձանագրվել են բարձր ջերմաստիճաններ․
🌡 44,0 °C Մոնտորոյում (Կորդովա),
🌡 43,9 °C Ֆուենտես դե Անդալուսիայում,
🌡 43,5 °C Մորոն դե լա Ֆրոնտերայում և Ալկոնչելում,
🌡 43,4 °C Անդուխարում։

Անոմալ շոգը, կանխատեսումների համաձայն, կշարունակվի առնվազն մինչև երեքշաբթի։

Եվրոպայի այլ երկրները ևս տառապում շոգից։ Օրինակ՝ Իտալիայում,հունիսի 29_ին, 21 քաղաքում հայտարարվել է բարձրագույն ահազանգման մակարդակ։ Երկրի ամբողջ տարածքում շոգի հետևանքով շտապօգնության բաժանմունքների հիվանդների թիվը աճել է 10 տոկոսով։

Ֆրանսիայում իշխանությունները գրեթե բոլոր մարզերում կոչ են անում պահպանել զգուշություն։

Պորտուգալիայում ևս՝ հատկապես հարավային շրջաններում և մայրաքաղաք Լիսաբոնում, գործում է բարձրագույն ահազանգման մակարդակ։ Բացի շոգից, այնտեղ կա անտառային հրդեհների բարձր վտանգ։

Կանխատեսվում է, որ Գերմանիայում շոգը կհասնի իր գագաթնակետին չորեքշաբթի օրը. ջերմաստիճանը կարող է բարձրանալ մինչև 40 աստիճան։