Իսպանիայի մի շարք հանգստավայրերում անշարժ գույքի սեփականատերերը «խելքները կորցրել» են՝ իրենց տները Airbnb-ի միջոցով վարձով տալու գաղափարով։ Այժմ վարձակալների հետ երկարաժամկետ պայմանագրեր կնքելու փոխարեն նրանք զբոսաշրջիկներին առաջարկում են ավելի բարձր գներով ապրել իրենց տներում 3-4 ամիս։ Արդյունքում բնակարանը մեկ տարով վարձակալելու միջոցներ ունեցող անգլիացի տարեցները սկսել են զանգվածաբար տեղափոխվել օդանավակայաններ, որտեղ վարձավճար չկա։
Նմանատիպ ճակատագրի հանդիպած 69-ամյա Ջոն Բրաոնվուդը, ով արդեն կես տարի ապրում է Մալագայի Պաբլո Պիկասո օդանավակայանի մեկնումների դահլիճում, խոստովանել է, որ փորձում է ուշադրություն չգրավել։
«Հիմնականը՝ փափուկ ինչ-որ բան եմ գտնում քնելու համար է, քանի որ հատակը շատ կոշտ ու անհարմար է։ Տուփը կհամապատասխանի, բայց մնացած ամեն ինչ, ինչ փափուկ եմ գտնում, հավաքում եմ սայլակի մեջ»,― պատմել է Բրաունվուդը։
Նա նշել է, որ Մեծ Բրիտանիայի կառավարությունը նրան տալիս է թոշակ, որը նախկինում մի քանի ամիս կուտակում էր, ապա տուն վարձակալում ծովափին։
«Սա կարող է լինել ամսական մոտ 400 եվրո, բայց, երբ ամառ է գալիս, տանտերերը քեզ դուրս են շպրտում, քանի որ գիտեն, որ կարող են ավելի շատ ստանալ զբոսաշրջիկներից։ Այսպիսով, ստիպված ես վերադառնալ օդանավակայան»,― դժգոհել է անգլիացին՝ ավելացնելով, որ ոչ մի դեպքում չի վերադառնա հայրենիք, քանի որ Իսպանիայում եղանակը շատ ավելի լավ է ու արևոտ։
Ավելի վաղ հաղորդվել էր, որ Մադրիդի խոշորագույն օդանավակայաններից մեկը հարյուրավոր անօթևանների կողմից ընտրվել է գիշերելու վայր։ Նրանց մեծ մասը փախստականներ էին։