Իսրայելի վարչապետ Բենիամին Նեթանյահուն պաշտոնապես առաջադրել է ԱՄՆ նախագահ Դոնալդ Թրամփին Խաղաղության Նոբելյան մրցանակի։ Հուլիսի 7-ի երեկոյան, Սպիտակ տանը կայացած համատեղ ընթրիքի սկզբում, լրագրողների ներկայությամբ նա գովաբանել է Թրամփի խաղաղության և անվտանգության ձգտումը․ «որը ցուցադրում է շատ երկրներում, բայց հատկապես, հիմա Մերձավոր Արևելքում»։ ԱՄՆ նախագահը, ըստ Նեթանյահուի, «մի տարածաշրջանից մյուսը խաղաղություն է հաստատում»։ Այնուհետև Թրամփին է հանձնել այն նամակը, որը նա ուղարկել է Նոբելյան կոմիտեին՝ նրան առաջադրելու համար մրցանակին։ «Դուք դա արժանի եք, և պետք է ստանաք այն», — դիմելով Թրամփին` ասել է Նեթանյահուն։ ԱՄՆ նախագահը զգացմունքային արձագանք է տվել․«Վա՜յ։ Հատկապես Ձեր կողմից դա շատ կարևոր է»։ Թրամփն արտահայտել է նաև վստահություն, որ ՀԱՄԱՍ-ը կհամաձայնվի հրադադարի Գազայում․ «Նրանք ցանկանում են հանդիպել և ցանկանում են այդ հրադադարը»,_նշել է նա։