Կատարի պաշտպանության նախարարությունը հայտնել է, որ ՀՕՊ համակարգերը հաջողությամբ հետ են մղել ամերիկյան «Ալ-Ուդեյդ» ավիաբազայի վրա Իրանի հրթիռային հարվածները։
Ավելի վաղ իրանական Mehr լրատվական գործակալությունը հայտնել էր, որ այն հրթիռների քանակը, որոնցով Իրանը հարվածել է Կատարի ամերիկյան բազային, համապատասխանում է այն ռումբերի քանակին, որոնք Միացյալ Նահանգները նետել են Իրանի վրա։
Իրանի ազգային անվտանգության խորհուրդը վստահեցրել է, որ Թեհրանի գործողությունները սպառնալիք կամ վտանգ չեն ներկայացնում Կատարի բարեկամական և եղբայրական պետության և նրա ժողովրդի համար։
Կատարը պահպանում է համաչափ պատասխանի իրավունքը Իրանի կողմից Կատարում գտնվող ամերիկյան բազայի վրա հարձակումից հետո։
Այս մասին հայտարարել է Կատարի արտաքին գործերի նախարարությունը։
Նախարարությունն Իրանի հարձակումը որակել է Կատարի ինքնիշխանության կոպիտ խախտում։