Ռեզա Փեհլևին՝ Իրանի վերջին շահի որդին, մամլո ասուլիս է անցկացրել, որտեղ կոչ է արել վերջ դնել մոլլաների ռեժիմին: «Սա մեր Բեռլինի պատի անկման պահն է»,-հայտարարել է նա և ընդգծել, որ իրանյան բռնապետությունը փլուզման եզրին է: «Ժամանակն է վերջ դնել տառապանքներին»,-շարունակել է Փեհլևին:
Գերագույն այաթոլլային ուղղված ելույթում նա ասել է. «Հրաժարական տուր, և դու արդար դատաստան կստանաս: Սա ավելին է, քան երբևէ ստացել է իրանցին»:
Նա նաև կոչ է արել բանակին և ոստիկանությանը՝ միանալ իրեն: Նրա խոսքով՝ միայն ժողովրդավարական վերափոխումներն են ապահովելու Իրանի ապագան, և իր մոտ կա երկրի վերափոխման հստակ ծրագիր, որը ներառում է, մասնավորապես, պետությունից կրոնի անջատումը և տնտեսության վերականգնման ծրագիր: Ծրագիրը նախատեսում է գործողությունների ծրագիր՝ մոլլաների ռեժիմի տապալումից հետո առաջին 100 օրվա համար: