Իրանում 2025 թվականին առնվազն հազար մարդ մահապատժի է ենթարկվել՝ հայտնում է մարդու իրավունքների կազմակերպությունը՝ Iran Human Rights (IHR), որը գտնվում է Նորվեգիայում։ Միայն վերջին շաբաթվա ընթացքում իշխանությունները իրականացրել են 64 մահապատիժ, ինչը միջինում կազմում է ավելի քան ինը մահապատիժ օրական։ IHR-ն այն անվանել է «մասշտաբային սպանությունների արշավ»։ Սրանք միայն պաշտոնապես գրանցված դեպքերն են, իսկ իրական թիվը, ըստ իրավապաշտպանների, կարող է ավելի բարձր լինել։ Միջազգային դիտորդների տվյալներով՝ Իրանը աշխարհում երկրորդ տեղն է զբաղեցնում մահապատիժների թվով՝ Չինաստանից հետո։ Հուլիսին Իսրայել-Իրան հակամարտությունից հետո մահապատիժների թիվը զգալիորեն աճել է։ Իրանի միջուկային օբյեկտների վրա Ամերիկա-իսրայելյան հարվածներից հետո ռեժիմը խորացրել է ներքին ռեպրեսիաները.հազարավոր ձերբակալություններ, մասսայական մահապատիժներ և խիստ վերահսկողություն է բնակչության նկատմամբ։ Iran News Update հրատարակության տվյալներով՝ հուլիսից ձերբակալվել է ավելի քան 21 հազար մարդ, քաղաքներում բացվել են նոր ստուգակետեր, ընտրովի կերպով ստուգվում են հեռախոսները, ինտերնետը պարբերաբար անջատվում է՝ բողոքները ճնշելու համար։ Միևնույն ժամանակ՝ մահապատիժների թվի աճը սկսվել է դեռ Իսրայելի դեմ պատերազմի նախօրեին։