ԳԼԽԱՎՈՐ
donate

Like this:

Լեդի Գագան բեմում հայտնվել է ռուսական դրոշի գույներով զգեստով

Ամերիկացի երգչուհի Լեդի Գագայի զգեստը քննարկումների առիթ է դարձել համացանցում՝ Լաս Վեգասում անցկացվող The Mayhem Ball շոուի ժամանակ ունեցած ելույթից հետո։ «Paparazzi» հիթի կատարման ընթացքում նրա տպավորիչ «քամելեոն» տեսակի վերարկուն հանկարծակի սկսել է փայլել գույներով, որոնք հիշեցնում են ռուսական եռագույնը, հայտնում է Telegram-ի «СтарХит» ալիքը։

Սոցցանցերում արագ տարածված կադրերում երևում է, թե ինչպես է շլացուցիչ շղարշով զգեստը աստիճանաբար սկսում փայլել սպիտակ, կապույտ և կարմիր գույներով։ Սա զվարճալի արձագանքների և մեմերի ալիք է բարձրացրել. օգտատերերը գրում են, թե երգչուհին կարծես ակնարկում է SHAMAN-ի «Я русский» երգին ու «մի վայրկյանից ՌԴ-ից քաղաքացիություն կխնդրի»։

Միաժամանակ, շատերը նշել են, որ նման էֆեկտը ամենայն հավանականությամբ պայմանավորված է լուսավորությամբ ու կտորի առանձնահատկություններով, և ոչ թե հատուկ մտածված ժեստ է։ Սակայն շոուի այս անսպասելի «հայրենասիրական» շրջադարձի շուրջ քննարկումները չեն մարում և շարունակում են տարածվել սոցցանցերում։

Ավելի վաղ Բեյոնսեն նույնպես ուշադրության կենտրոնում էր հայտնվել ռուսախոս երկրպագուների շրջանում իր բեմական կերպարի պատճառով։ Նա բեմ էր բարձրացել հագուստով, որը կազմված էր սպիտակ, կապույտ և կարմիր գույներից՝ հիշեցնելով հանդիսատեսին ռուսական դրոշը։

Like this:

Translate »