Լեհաստանը փակում է Ռուսաստանի հյուպատոսությունը Կրակովում։ Հյուպատոսության գործունեության դադարեցումը պատասխան է ռուսական հատուկ ծառայությունների գործողություններին: Այս մասին հայտարարել է Լեհաստանի արտաքին գործերի նախարար Ռադոսլավ Սիկորսկին։ Նշենք, որ 2024 թվականի մայիսին հրդեհը է բռնկվել Վարշավայի խոշոր առևտրի կենտրոնում և դրանում գտնվող մոտ 1400 խանութներում։ Քաղաքացիական իշխանությունները անմիջապես սկսել են հետաքննություն, սակայն մինչ օրս զերծ են մնացել Մոսկվայի հասցեին ուղղակի մեղադրանքներ ներկայացնելուց: Լեհաստանի վարչապետ Դոնալդ Տուսկն այդ կապակցությամբ գրառում է կատարել X-ում (Twitter). «Այժմ մենք հաստատ գիտենք, որ Վարշավայի <<Մարիվիլսկա>> առևտրի կենտրոնի մեծ հրդեհը դիտավորյալ էր, կազմակերպել էին ռուսական հատուկ ծառայությունները»: Լեհաստանի արդարադատության և ներքին գործերի նախարարությունների 2024 թվականի մայիսի 11-ի համատեղ հայտարարության մեջ ասվում է, որ կասկածյալներից մի քանիսն արդեն ձերբակալված են: «Նրանց գործողությունները կազմակերպվել և ղեկավարվել են Ռուսաստանի Դաշնությունում բնակվող որոշակի անձանց կողմից», - հայտարարել են երկու նախարարությունները: Լեհաստանն այս գործով համագործակցել է Լիտվայի հետ, որտեղ նմանատիպ դիվերսիա էր տեղի ունեցել: Այս տարվա մարտին Լիտվայի իշխանությունները մեղադրանքներ են ներկայացրել անչափահաս ուկրաինացու դեմ, որը, ենթադրաբար, ռուսական հատուկ ծառայությունների հանձնարարականով հրդեհել էր Վիլնյուսի IKEA-ի խանութը: Որպես պարգևատրություն՝ նրան և նրա գործընկերոջը խոստացել էին 10,000 եվրո և BMW ավտոմեքենա: