Այս տարի, Սեպտեմբերի 7-ին մեզ սպասվում է մի բան, որի կողքով անհնար է անտարբեր անցնել՝ Լուսնի ամբողջական խավարում։
Սա վերջին 7 տարվա ընթացքում Հայաստանից տեսանելի առաջին ամբողջական խավարումն է։ Այսպիսի հնարավորություն մեկ էլ լինելու է 3 տարի անց՝ Դեկտեմբերի 31-ին ու հաստատ այդ օրը ամանորյա աղցաններ պատրաստելով եք խառը լինելու, այնպես որ չարժի այս մեկը բաց թողնել։
Սա 2022 թվականից ի վեր ամենաերկար տևող ամբողջական խավարումն է։ Լուսինն ամբողջական խավարման ժամանակ ստանում է կարմրավուն երանգ և հայտնի է որպես «Արյունոտ Լուսին» (Blood Moon)։
Խավարումը սկսվելու է սեպտեմբերի 7-ին:
Լուսինը կծագի 19:20
Մասնակի խավարումը կսկսվի 20:30
Ամբողջական խավարումը կտևի 21:30ից մինչև 22:52
Մասնակի խավարումը կավարտվի 23:56
Կիսաստվերի ավարտը կլինի 00:55, այդ ժամանակ երկրի ստվերը լրիվ կհեռանա Լուսնից
Խավարումը կսկսվի արևելիքից և Լուսինը կարմրելով աստիճանաբար վերև կբարձրանա` ամբողջ ճանապարհին ձախից ընկերակցվելով Սատուրնի կողմից։