Ծանրամարտի Հայաստանի հավաքականը կմեկնի Պերուի մայրաքաղաք Լիմա, որտեղ կկայանա երիտասարդների աշխարհի առաջնությունը:

Պատվիրակության կազմում են 55 կգ քաշային, ծանրամարտի Եվրոպայի 2025 թ. առաջնության փոխչեմպիոն, Եվրոպայի 2024 թ. առաջնության չեմպիոն, 2024 թվականի մեծահասակների աշխարհի առաջնության բրոնզե մեդալակիր, Աշխարհի 2023 թվականի պատանիների չեմպիոն Ալեքսանդրա Գրիգորյանը և պատանիների Եվրոպայի առաջնության կրկնակի հաղթող, երիտասարդների Եվրոպայի առաջնության փոխչեմպիոն, երիտասարդների աշխարհի առաջնության բրոնզե մեդալակիր, ծանրամարտի երիտասարդների աշխարհի առաջնության չեմպիոն Էմմա Պողոսյանը: 

Պատանիների ու երիտասարդների աշխարհի առաջնությունում մենք ունենք 7 մասնակից:

Հայաստանի հավաքականը պատանիների և երիտասարդների աշխարհի առաջնությանը կմասնակցի ընդհանուր 7 մարզիկով` 5 տղա, 2 աղջիկ:

Պերուի մայրաքաղաք Լիմայում ապրիլի 30-ից մայիսի 5-ը կայանալիք պատանիների և երիտասարդների աշխարհի առաջնությունում կմրցեն`

 67 կգ` Հովհաննես Հովհաննիսյանը (մրցման օրը` մայիսի 1, մեկնարկը`03:30. երիտասարդներ), 

81 կգ` Նարեկ Մկրտչյանը (մրցման օրը` մայիսի 2, մեկնարկը` 03:30. երիտասարդներ),  

89 կգ` Վալերի Մովսիսյանը (մրցման օրը` մայիսի 3, մեկնարկը` 01:00. երիտասարդներ)

96 կգ` Գրիգոր Ղազարյանը (B ենթախումբ, մրցման օրը`մայիսի 3, մեկնարկը` 22:30. պատանիներ)

+102 կգ` Հարություն Հովհաննիսյանը (մրցման օրը` մայիսի 4, մեկնարկը` 03:30. պատանիներ)

55 կգ` Ալեքսանդրա Գրիգորյանը (մրցման օրը` մայիսի 1, մեկնարկը` 03:30. երիտասարդներ)

81 կգ` Էմմա Պողոսյանը (մրցման օրը` մայիսի 4, մեկնարկը` 01:00. երիտասարդներ) 

Երիտասարդների հավաքականի մարզիչները Մելիք Ղուկասյանն ու Դավիթ Մուրադյանն են, պատանիներինը` Երվանդ Կիրակոսյանը, իսկ կանանց թիմինը` Տարոն Թոմվասյանը: 

Հայաստանի պատվիրակության ղեկավարը կլինի Ծանրամարտի ֆեդերացիայի գլխավոր քարտուղար Սամվել Գասպարյանը: