Այսօր, ժամը 18։40_ի սահմաններում, արտակարգ դեպք է տեղի ունեցել 30 համարի ավտոբուսում։ Ականատեսների փոխանցմամբ` ավտոբուս նստած երիտասարդը փորձել է գողություն կատարել, նկատել են, ինչն էլ դարձել է ծեծ ու ջարդի պատճառ։ Տվյալ տղայի կողքին կանգնած ու ականատես երիտասարդը նախ հորդորել է ավտոբուսից իջնել, վերջինը հակադարձել է, վարորդը ստիպված դադարեցրել է վարել մեքենան։ Արդյունքում փողոցում, ավելի կոնկրետ Տիչինայի խաչմերուկի մոտ, իջել են ոչ միայն տվյալ անձինք, այլև վարորդն ու ուղևորների մի մասը։ Վիճաբանող երիտասարդներին բաժանել ցանկացող վարորդին ևս ծեծի են ենթարկել։