Ջասթին Թրյուդոն կհեռանա Կանադայի իշխող Լիբերալ կուսակցության ղեկավարի պաշտոնից, սակայն վարչապետի պաշտոնը կթողնի միայն լիբերալների նոր առաջնորդի ընտրությունից հետո։ Իր որոշման մասին Թրյուդոն հայտարարել է այսօր։ Հաղորդում է CNN_ը։ Թրյուդոն արդեն խնդրել է Կանադայի գլխավոր նահանգապետ Մերի Սայմոնին մինչեւ մարտի 24-ը կասեցնել խորհրդարանի աշխատանքը, ինչը ընդդիմադիր կուսակցություններին կզրկիվարչապետին անվստահություն հայտնելու համար հունվարի վերջին քվեարկություն անցկացնելու հնարավորությունից։Թրյուդոն ղեկավարում է Լիբերալ կուսակցությունը 2013 թվականից, իսկ վարչապետ եղել է շուրջ 9 տարի։ Վերջերս Լիբերալ կուսակցությունը նկատելիորեն կորցրել է ժողովրդականությունը։ Սոցիոլոգիական հարցումները կանխատեսում են նրա պարտությունը համընդհանուր ընտրություններում, որոնք տեղի կունենան այս տարվա հոկտեմբերից ոչ ուշ: