Սանկտ Պետերբուրգում շոուի ընթացքում ռուսական էստրադայի աստղ Ֆիլիպ Կիրկորովը, գտնվելով առնվազն երեք մետր բարձրության վրա, էլեկտրահարվել է։ Վերևից բեմ տպավորիչ իջնելու ժամանակ պիրոտեխնիկայից հրկիզվել է արտիստի կոստյումը։ Կիրկորովը մի քանի անգամ բղավել է, որ այրվում է, իջել է և գնացել հետնաբեմ։ Հագուստը փոխելուց հետո արտիստը շարունակել է համերգը, չնայած ձեռքն այրվածք է ստացել։ Պատահարը տեղի է ունեցել այն պահին, երբ արտիստի կոստյումից հրավառություն է արձակվել. ամենայն հավանականությամբ վնասվել է բաճկոնով անցնող լարերից մեկը։ Ինչպես հայտնել է արտիստի ներկայացուցիչ Եկատերինա Ուսպենսկայան, միջադեպի պատճառը տեխնիկական էր, իսկ երգիչն իրեն լավ է զգում։