ArmLur.am-ին հայտնի է դարձավ, որ մահացել է ԱԱԾ գեներալ Տիգրան Բարսեղյանը։

ArmLur.am-ի տեղեկություններով՝ նրա մարմինը գտել են տանը մահանալուց 3 օր հետո։

Նշենք, որ Բարսեղյանը նախկինում զբաղեցրել է ՀՀ ԱԱԾ Սահմանադրության, հասարակական կարգի պահպանության, ահաբեկչության դեմ ուղղված պայքարի գլխավոր վարչության պետի պաշտոնը։ Ընդգծենք, որ վերջինիս որդին զոհվել է 44-օրյա պատերազմի ընթացքում։

Ավելի վաղ կայքը հարցազրույց էր հրապարակել նրա հետ՝ հետևյալ վերնագրով «Սերժ Սարգսյանի և Ռոբերտ Քոչարյանի այլանդակությունները հայտնի են». ԱԱԾ բարձրաստիճան պաշտոնյայի աղմկահարույց բացահայտումը։ Հարցազրուցից որոշ հատվածներ ներկայացնում ենք ձեր ուշադրությանը։

 2019թ․ մայիսի 8-ին վարչապետ Փաշինյանն իր գործունեության մեկամյակն ամփոփող ասուլիսի ընթացքում հայտարարել էր. «ԱԱԾ-ում արդեն մի քանի ամիս ընթանում է ծառայողական քննություն, որովհետեւ նախորդ իշխանությունները, ըստ ծառայողական նյութերի, հեղափոխությունից որոշ ժամանակ առաջ ԱԱԾ նյութեր են ոչնչացրել»: 

Եւ, ահա, «Ժողովուրդ» օրաթերթի աղբյուրները հայտնում են, որ վերականգնվել է այդ փաստաթղթերի մի մասը միայն, իսկ այս հարցի առնչությամբ ԱԱԾ են հրավիրել ու հարցաքննել ԱԱԾ Սահմանադրության, հասարակական կարգի պահպանության, ահաբեկչության դեմ ուղղված պայքարի գլխավոր վարչության նախկին պետ գեներալ-մայոր Տիգրան Բարսեղյանին: «Ժողովուրդ» օրաթերթի տեղեկություններով` քննել են նաեւ ԱԱԾ բոլոր աշխատակիցներին, որոնքկոնկրետ անուն են տվել` մատնացույց անելով ԱԱԾ տնօրենի առաջին տեղակալ Կարապետ Դավթյանին ու տեղեկացնելով, որհենց նա է ասել, որ ոչնչացնեն այդ նյութերը:

Իսկ կոնկրետ ի՞նչ նյութերի ոչնչացման մասին է խոսքը: «Ժողովուրդ» օրաթերթը զրուցեց ԱԱԾ Սահմանադրության, հասարակական կարգի պահպանության, ահաբեկչության դեմ ուղղված պայքարի գլխավոր վարչության նախկին պետ գեներալ-մայոր Տիգրան Բարսեղյանի հետ:

-Պարո՛ն Բարսեղյան, Դուք ԱԱԾ-ում հարցաքննվել եք ԱԱԾ-ից ոչնչացված նյութերիմասով: Կասե՞ք`կոնկրետինչնյութերի մասին է խոսքը:

-Ես երկար տարիներ ծառայել եմ ԱԱԾ Սահմանադրության, հասարակական կարգի պահպանության, ահաբեկչության դեմ ուղղված պայքարի գլխավոր վարչությունում, ամենաերիտասարդ տարիքում ղեկավարել եմ այդ վարչությունը եւ ամենածանր օրերին պատասխանատվություն եմ կրել այդ վարչության համար:

Առաջիկայում սպասվում է նաեւ իմ վերադարձը Ազգային անվտանգության ծառայություն: Այս տարի ես երեք անգամ ցուցմունք եմ տվել Հատուկ քննչական ծառայությունում, ամեն անգամ մոտավորապես 5 ժամ, եղել եմ Մարտի 1-ի քննչական խմբի ղեկավարի` Մուշեղյանի մոտ եւ ցուցմունք եմ տվելՄարտի 1-ի առնչությամբ եւ բացահայտել եմ Մարտի 1-ի գործը:

-Կոնկրետ կասե՞ք`ինչ ցուցմունք եք տվել:

-Գործը արդեն ուղարկվել է դատարան, դատարանը հնարավոր է, որցուցմունքները հրապարակի: Այդ ցուցմունքներում ես մանրամասն բացահայտել եմ Մարտի 1-ի նախնական պատմությունը եւ Մարտի 1-ից հետո ընկած իրադարձությունները եւ ամբողջովին բացահայտել եմ Ռոբերտ Քոչարյանի եւ Սերժ Սարգսյանի այլանդակությունըայն առչությամբ,որ նրանք կանխամտածված ժողովրդին տարան սպանդի, եւ այնտեղ շատ մանրամասն նշել եմ կարեւոր իրադարձություններ: Այսինքն` ցանկացա Ձեզ ասել,որՄարտի 1-ի բացահայտման վերաբերյալ ես ցուցմունք եմ տվել:

– Իսկ ոչնչացված նյութերի մասով կմանրամասնե՞ք:

-Մարտի 1-ի առնչությամբ, երբ 2008 թվականի փետրվարին տեղի ունեցան նախագահական ընտրությունները, Ազգային անվտանգության ծառայությունը` հանձինս ինձ եւ Սահմանադրական կարգի պահպանման գլխավոր վարչության, Գորիկ Հակոբյանին ոչ մի բացասական երեւույթ հանրահավաքների վերաբերյալ չի զեկուցել: Այդպիսի տեղեկատվություն մենք չենք ունեցել եւ չենք զեկուցել: Մենք գաղտնալսել ենք ամբողջ դաշտը`օֆիսներով, գրասենյակներով, հարցազրույցներով, տեղեկատվական ամբողջ ցանցը.ոչ մի այդպիսի տեղեկատվություն չի եղել:

Փետրվարի 28-ին Գորիկ Հակոբյանը եւ ես վիճել ենք: Երեք ժամ ես Գորիկ Հակոբյանին խնդրել եմ ուժ չկիրառել, ղեկավարությանը զեկուցել, որպեսզի ժողովրդի նկատմամբ ուժ չկիրառվի,բայց փետրվարի 28-ին վերջնական որոշման վերաբերյալ ինձ Գորիկ Հակոբյանն անձամբ հայտնեց:

Կայքին Տիգրան Բարսեղյանի տված մեկ այլ հարցազրուցում կարդում ենք։

«Ժողովուրդ» օրաթերթը զրուցել է ԱԱԾ Սահմանադրության, հասարակական կարգի պահպանության, ահաբեկչության դեմ ուղղված պայքարի գլխավոր վարչության նախկին պետ գեներալ-մայոր Տիգրան Բարսեղյանի հետ, որը աղմկահարույց բացահայտումներ է արել։ – Ի՞նչ նոր բացահայտումներ եք պատրաստվում ներկայացնել՝ ազգային անվտանգության գործունեության հետ կապված։ – Ոչնչացված փաստաթղթերը, որոնց վերաբերյալ մենք տեղեկացրել ենք, վերաբերում էին ոչ միայն Մարտի 1-ին, այլ նաեւ պետության անվտանգությանը վերաբերող շատ հարցերի։ Կարծում եմ՝ այդ փաստաթղթերի առնչությամբ որոշակի հետաքրքրություն կա նաեւ երկրի ներկայիս ղեկավարների կողմից, քանի որ այդ հարցերն առնչվում են մեր երկրին եւ արդիական են։.Ոչնչացված փաստաթղթերն ունեն իրենց պատմությունը։ Այս փաստաթղթերում ներառված է Հայաստանի Հանրապետության շատ կարեւոր պատմության ընթացքը, որն այսօր էլ կարող է նշանակություն ունենալ մեր երկրի զարգացումների վրա։ Դրանք վերաբերում են 2 հիմնախնդրի՝ 1-ին՝ երկրի ռազմաքաղաքական-տնտեսական հարցերին, եւ 2-րդը՝ Արցախի հիմնահարցին։ Խոսքը վերաբերում է 2003թ.-ից հետո Ռոբերտ Քոչարյանի 2-րդ իշխանության գալուց հետո երկրում ընթացող երկու ուղղությունների վերաբերյալ։ Հարցը նրանում է, որ արտերկրի կենտրոնները, օժանդակելով ՀՀ-ում տարբեր քաղաքական ուժերի, փորձում էին իրենց դերակատարումն ունենալ մեր երկրի զարգացումների վրա։ ԱԱԾ-ն, լինելով երկրի անվտանգության հիմնաքարը՝ ի դեմս Սահմանադրական կարգի պահպանման եւ ահաբեկչության դեմ պայքարի գլխավոր վարչության, որտեղ ես աշխատել եւ ղեկավարել եմ, ամբողջ ընթացքում հետեւել եւ ուշադիր սկզբունքներով նայել է, թե ինչ է կատարվում այդ փաստաթղթերի առումով եւ, ընդհանրապես, զարգացումների առումով։

Մենք գիշեր-ցերեկ տեղեկատվություն ենք հավաքել երկրում ընթացող զարգացումների վերաբերյալ։ Ամբողջ ընթացքում այդ տեղեկատվությունը հավաքվել է ոչ միայն արտերկրի դիվանագիտական կառույցների ներկայացուցիչների, այլ, ընդհանրապես, մեր երկրում գործող տարբեր հասարակական, քաղաքական կազմակերպությունների եւ արտերկրի կապերի, նրանց միջնորդությունների, ազդեցությունների, հնարավոր գործարքների, ամբողջի վերաբերյալ։ 2005թ. սկսած՝ ԱԱԾ խնդիր դրվեց, որպեսզի ապահովվի աստիճանաբար Ռոբերտ Քոչարյանից Սերժ Սարգսյանին իշխանության փոխանցումը։ Բայց դա պետք է արվեր այնպես, որ իշխանության փոխանցման ընթացքում երկրի տնտեսական, քաղաքական զարգացման եւ Արցախի հիմնախնդրի վերաբերյալ Ս. Սարգսյանը կարողանար իր զարգացումներն ապահովեր, պայմանավորվածություններն ապահովեր։ Պաշտոնապես ասում եմ, որ դրանք շատ բարդ եւ վտանգավոր էին երկրի համար։ ԱԱԾ-ն ամեն ինչ արել է, որ Ս. Սարգսյանը չկարողանա իրացնել այն վտանգավոր, ազգասպան, ազգակործան ծրագրերը, որոնք իրենք փորձում էին իրականացնել։ Ամբողջ ընթացքում հարցը վերաբերում էր 2 ուղղության. 1-ին՝ երկրի տնտեսական-քաղաքական զարգացումը։ Մենք գաղտնալսում էինք եւ օպերատիվ-հետախուզական, գործակալական արտաքին դիտարկման ամբողջական աշխատանք էինք իրականացնում բոլոր այն խնդիրների առնչությամբ, որոնք վերաբերում էին երկրին։ Կոնկրետ կարող եմ ասել, որ բավականին լուրջ տեղեկատվություն էր ստանում, օրինակ, ԱՄՆ դեսպանատանը աշխատող հայազգի Լիլիթ Օհանյանի բնակարանից, որտեղ գաղտնալսման սարքեր էին տեղադրված, եւ որտեղ հավաքվում էին ԱՄՆ դեսպանատան աշխատակիցները, մասնավորապես՝ ԱՄՆ դեսպանատան քաղաքական-տնտեսական բաժնի ղեկավար Սթիվեն Բենքս եւ ԱՄՆ փոխդեսպան Ժոզեֆ Փենինգտոնը։ Նրանք իրենց բոլոր զեկույցներում, սկսած 2008թ. Սերժ Սարգսյանի ընտրվելուց այնուհետ, զեկուցում էին, որ երկրում տիրում է թալան։ Մենք դրա վերաբերյալ զեկուցում էինք Գորիկ Հակոբյանին, որն էլ զեկուցում էր Սերժ Սարգսյանին։ Այդ ֆինանսական յուրացումների եւ, ընդհանրապես, երկրում օրինականության սահմանափակման առնչությամբ Ս. Սարգսյանի պատասխանատվությունը այնքան էր մեծացել, որ ամերիկյան եւ, ընդհանրապես, միջազգային կառույցներն աղմկում էին դրա վերաբերյալ իրենց ղեկավարներին։ Գաղտնի, բոլորը իրենց զեկույցներում, որոնց մենք ընթացքում գաղտնալսում էինք, նրանք զեկուցում էին իրենց ղեկավարությանը, որ Հայաստանը հետընթաց է ապրում, եւ անհրաժեշտ է Հայաստանին պատժել։ Եվ այդ պատիժը եղավ։ Հայաստանի համար սահմանափակվեցին ֆինանսական անհատույց հնարավորությունները։ Թողեցին միայն վարկեր, դրա վերաբերյալ մենք զեկուցում էինք, բայց Ս. Սարգսյանը ոչինչ չի իմանում։ Էս ամբողջը նախապատմություն ունի. Սերժ Սարգսյանի իշխանության ամբողջ տարիներից առաջ դեռ ԱԱԾ-ն արգելափակեց արտերկրի կողմից օժանդակվող տարբեր հասարակական, քաղաքական կազմակերպությունների գործունեությունը Հայաստանում։ Պաշտոնապես ասում եմ, որ գաղտնալսեցինք եւ արգելափակեցինք Արթուր Բաղդասարյանի գործունեությունը, արգելափակեցինք Սամվել Բաբայանի գործունեությունը, Արամ Կարապետյանի գործունեությունը, 2007թ. սահմանափակեցինք ու արգելափակեցինք Ալիկ Արզումանյանի կողմից հեղափոխության նախապատրաստումը, որը կոչվում էր «ցախավելների հեղափոխություն» եւ ֆինանսավորվում էր Մոսկվայից։ Արգելափակեցինք Ժիրայր Սեֆիլյանի գործունեությունը։ Մի խոսքով, ամբողջությամբ արգելափակեցինք այդ գործողությունները, որպեսզի Սերժ Սարգսյանը գա իշխանության։ Եվ 2008թ. Սերժ Սարգսյանը եկավ իշխանության, ու սկսեց երկրի համար վնասակար այն շրջանը, որը տեւեց 10 տարի, եւ որի արդյունքները մենք դեռ քաղելու ենք, մինչեւ կարողանանք դրա դեմն առնել: