Ամերիկայի Միացյալ Նահանգների Կոնգրեսի անդամներ Դարել Իսսան և Գաս Բիլիրակիսը ներկայացրել են «Կովկասում լարվածության կանխարգելման և փոխգործակցության առաջխաղացման մասին» (Preventing Escalation and Advancing Caucasus Engagement Act — PEACE Act, H.R.5632) օրինագիծը, որով առաջարկվում է պատժամիջոցներ կիրառել Ադրբեջանի դեմ Հայաստանի դեմ  նոր ագրեսիայի դեպքում, հայտնում է «Արմենպրես»-ը։

Օրինագիծն աջակցություն է հայտնում Հայաստանի ինքնիշխանությանը, Հայաստանի վարչապետ Նիկոլ Փաշինյանի խաղաղության նախաձեռնություններին: 

Առաջարկվում է սառեցնել ադրբեջանական պաշտոնյաների ակտիվները, վիզաների արգելք սահմանել և ֆինանսական սահմանափակումներ կիրառել այն օտարերկրյա բանկերի համար, որոնք գործարքներ են կատարում ադրբեջանական նավթի առևտուրը հեշտացնող ֆինանսական հաստատությունների հետ: 

Օրինագիծը նախատեսում է բացառություններ մարդասիրական օգնության և հիմնական ապրանքների համար և կգործի 7 տարի: 

Օրինագիծը գտնվում է օրենսդրական գործընթացի սկզբնական փուլում և դեռ չի քննարկվել կոմիտեներում: