Երևան քաղաքի Կենտրոն վարչական շրջանի Մոսկովյան փողոց հ․ 40 հասցեում գտնվող Հովհաննես Թումանյանի տուն-թանգարանի նորոգման, երկրորդ մասնաշենքի քանդման և նորի կառուցման նախատեսվող գործունեության իրականացմանը նախնական համաձայնություն տրամադրելու մասին հարցն ընդգրկված է Երևանի ավագանու նոյեմբերի 18-ի նիստի չզեկուցվող հարցերի շարքում։

Հիմք ընդունելով «Շրջակա միջավայրի վրա ազդեցության գնահատման և փորձաքննության մասին» օրենքի 11-րդ, 16-րդ հոդվածները և Հայաստանի Հանրապետության կառավարության 2014 թվականի նոյեմբերի 19-ի հ. 1325-Ն որոշման հավելվածի 28-րդ կետը՝ Երևան քաղաքի ավագանու որոշմամբ Հայաստանի Հանրապետության կրթության, գիտության, մշակույթի և սպորտի նախարարության (այսուհետ՝ Նախարարություն) կողմից ներկայացված, Նախարարության պատվիրակությամբ, «Հովհաննես Թումանյանի թանգարան» պետական ոչ առևտրային կազմակերպության կողմից իրականացվող՝ Երևան քաղաքի Կենտրոն վարչական շրջանի Մոսկովյան փողոց հ․ 40 հասցեում Հովհաննես Թումանյանի տուն թանգարանի նորոգման, երկրորդ մասնաշենքի քանդման և նորի կառուցման նախատեսվող գործունեության իրականացմանը կտրամադրվի նախնական համաձայնություն:

Ընթացիկ իրավիճակը, իրավական ակտի ընդունման անհրաժեշտությունը,
առկա խնդիրների առաջարկվող լուծումները.
01.10.2025թ. Երևանի քաղաքապետարան գրանցման համար 53179-25) մուտք է
գործել Հայաստանի Հանրապետության կրթության, գիտության, մշակույթի և սպորտի
նախարարության գրությունը՝ «Հովհաննես Թումանյանի թանգարան» պետական ոչ
առևտրային կազմակերպության կողմից իրականացվող Երևան քաղաքի Կենտրոն
վարչական շրջանի Մոսկովյան փողոց հ․ 40 հասցեում Հովհաննես Թումանյանի տուն
թանգարանի նորոգման, երկրորդ մասնաշենքի քանդման և նորի կառուցման
նախատեսվող գործունեության վերաբերյալ առաջին հանրային լսում կազմակերպելու
մասին:
Կատարվել է շահագրգիռ հանրության ծանուցում, նախատեսվող գործունեության
իրականացման վերաբերյալ ծանուցումն օրենքով սահմանված կարգով տեղադրվել է
«Առավոտ» օրաթերթում և Երևանի քաղաքապետարանի պաշտոնական կայքում,
փակցվել է քաղաքապետարանի հայտարարությունների ցուցատախտակին:
Երևան քաղաքի Կենտրոն վարչական շրջանի Մոսկովյան փողոց հ․ 40 հասցեում
Հովհաննես Թումանյանի տուն թանգարանի նորոգման, երկրորդ մասնաշենքի քանդման
և նորի կառուցման նախատեսվող գործունեության վերաբերյալ ս.թ. նոյեմբերի 4-ին ժամը
11:00-ին Երևան քաղաքի Կենտրոն վարչական շրջանի ղեկավարի նստավայրում օրենքով
սահմանված կարգով տեղի է ունեցել առաջին հանրային լսումը: Համայնքի կողմից
ապահովել է համայնքի ներկայացուցչի մասնակցությունը: Շահագրգիռ հանրության
կողմից գրավոր կամ էլեկտրոնային եղանակով առաջարկություններ, դիտողություններ և
կարծիքներ չեն ներկայացվել։
Երևան քաղաքի Կենտրոն վարչական շրջանի Մոսկովյան փողոց հ․ 40 հասցեում
Հովհաննես Թումանյանի տուն թանգարանի նորոգման, երկրորդ մասնաշենքի քանդման
և նորի կառուցման նախագծման աշխատանքների համար հիմք է հանդիսացել Երևանի
քաղաքապետարանի կողմից 14.05.2025թ. տրամադրված նախագծման թույլտվությունը
¥ճարտարապետահատակագծային առաջադրանք):
Հայաստանի Հանրապետության կառավարության 2014 թվականի նոյեմբերի 19-ի
«Հանրության իրազեկման և հանրային լսումների ծանուցման բովանդակությունը,
հանրային լսումների ընթացակարգը, շրջակա միջավայրի վրա ազդեցության
գնահատման և փորձաքննության գործընթացում շահագրգիռ հանրության կարծիքների,
դիտողությունների և առաջարկությունների ներկայացման, տեղական
ինքնակառավարման մարմինների կողմից նախնական համաձայնության կամ
անհամաձայնության տրամադրման ընթացակարգը և ժամկետները սահմանելու մասին»
N1325-Ն որոշման (այսուհետ՝ Որոշում) հավելվածի 27-րդ կետի համաձայն՝ հանրային
լսումների պատասխանատուն, հանրային լսման արձանագրությունը և լուսանկարները
ներկայացրել է համայնքի ավագանուն և նախաձեռնողին:
«Շրջակա միջավայրի վրա ազդեցության գնահատման և փորձաքննության մասին»
օրենքի (այսուհետ՝ Օրենք) 11-րդ հոդվածի 1-ին մասի 1-ին կետով սահմանվում է՝ շրջակա
միջավայրի վրա ազդեցության գնահատման և փորձաքննության գործընթացում
տեղական ինքնակառավարման մարմինների իրավասություններն են` համայնքին
առնչվող հիմնադրույթային փաստաթղթի նախագծի կամ նախատեսվող գործունեության
վերաբերյալ համայնքի ավագանու կողմից նախնական համաձայնության կամ
անհամաձայնության տրամադրումը: Օրենքի 16-րդ հոդվածի 3-րդ մասով սահմանվում է՝
հանրային լսումից հետո՝ 30 աշխատանքային օրվա ընթացքում, համայնքի ավագանին
որոշում է ընդունում նախատեսվող գործունեության իրականացմանը նախնական
համաձայնություն կամ անհամաձայնություն տրամադրելու վերաբերյալ, որը պետք է
պարունակի հիմնավորումներ դրա պատճառների մասին, իսկ 6-րդ մասով սահմանվում
է՝ սույն հոդվածի 3-րդ մասով սահմանված ժամկետում համայնքի ավագանու կողմից
որոշում չկայացվելու դեպքում նախաձեռնողը փաստաթղթերի փաթեթը կարող է
փորձաքննության ներկայացնել առանց համայնքի ավագանու նախնական
համաձայնության։
Որոշման հավելվածի 28-րդ կետի համաձայն՝ համայնքի ավագանին հանրային
լսումից հետո՝ 30 աշխատանքային օրվա ընթացքում, որոշում է ընդունում նախատեսվող
գործունեության իրականացմանը նախնական համաձայնություն կամ
անհամաձայնություն տրամադրելու վերաբերյալ, որը պետք է պարունակի
հիմնավորումներ դրա պատճառների, այդ թվում՝ սույն հավելվածի 8-րդ կետում նշված
բացառությունների (առկայության դեպքում) մասին։
Որոշման հավելվածի 29-րդ կետի համաձայն՝ համայնքի ղեկավարը համայնքի
ավագանու որոշման կայացման օրվանից հետո՝ 5-օրյա ժամկետում, իսկ «Տեղական
ինքնակառավարման մասին» օրենքի 16-րդ հոդվածի 13-րդ մասով սահմանված դեպքում
համայնքի ավագանու որոշումն ուժի մեջ մտնելուց հետո՝ 3-օրյա ժամկետում, լիազոր
մարմնին և նախաձեռնողին է տրամադրում համայնքի ավագանու որոշումը, հանրային
լսման արձանագրությունը, լուսանկարները կամ տեսաձայնագրությունները,
առկայության դեպքում՝ նաև շահագրգիռ հանրության կարծիքները, դիտողությունները և
առաջարկությունները։
Հիմք ընդունելով վերը նշվածը, Երևան համայնքի ավագանու համաձայնեցման է
ներկայացվում Երևան քաղաքի Կենտրոն վարչական շրջանի Մոսկովյան փողոց հ․ 40
հասցեում Հովհաննես Թումանյանի տուն թանգարանի նորոգման, երկրորդ մասնաշենքի
քանդման և նորի կառուցման նախատեսվող գործունեության իրականացմանը
նախնական համաձայնություն տրամադրելու մասին որոշման նախագիծը՝ հիմք
հանդիսացող անհրաժեշտ իրավական և փաստական հիմքերով: