ՀՀ աշխատանքի և սոցիալական հարցերի նախարարությունից հայտնում են, որ այս տարի առաջին անգամ՝ հունիսի 17-ին, Հայաստանում պաշտոնապես կնշվի Հայրերի օրը։
Տոնի առթիվ նախարարությունը հրավիրում է բոլորին միանալ «Հայրի՛կ, սիրում եմ քեզ» խորագրով արշավին։
«Հունիսի 17-ին հրապարակեք լուսանկար, տեսանյութ կամ հուշ Ձեր հայրիկի մասին՝ պատմելով, թե ի՞նչն է դարձնում Ձեր և նրա կապը յուրահատուկ ու անփոխարինելի։ Կարող եք կիսվել հին ընտանեկան կադրով, սիրելի պատմությամբ կամ պարզապես ասել մի պարզ, բայց խորիմաստ «Սիրում եմ քեզ, հայրի՛կ»,-ասված է գրառման մեջ։