Հայկական ծագմամբ բրիտանացի դերասան Կոսմո Ջարվիսը կխաղա Քրիսթոֆեր Նոլանի «Ոդիսականը» ֆիլմում, տեղեկացրել է Armenian Film Society-ն։
Կոսմո Ջարվիսը ծնվել է Հարիսոն Կոսմո Կրիկորյան Ջարվիս անունով Նյու Ջերսիում, հայ մորից եւ անգլիացի հորից, իսկ ավելի ուշ տեղափոխվել է Անգլիա։
2017 եւ 2020թթ. առաջադրվել է բրիտանական անկախ կինոյի մրցանակաբաշխության «Ամենախոստումնալից նորեկ» եւ «Լավագույն դերասան» անվանակարգերում: Դերասանն առավել հայտնի է «Սյոգուն» ֆիլմում իր խաղով, նա նաեւ նկարահանվել է Ռոբերտ դե Նիրոյի հետ «ԱԼՏԻ ԱՍՊԵՏՆԵՐԸ» ֆիլմում։
Նոլանի ֆիլմում գլխավոր դերը կկատարի Մեթ Դեյմոնը։ Ֆիլմում նկարահանվել են նաեւ Թոմ Հոլանդը, Զենդայան, Էնն Հեթուեյը, Լուպիտա Նյոնգոն, Ռոբերտ Փատինսոնը, Բենի Սաֆդին, Շարլիզ Թերոնը եւ այլք։
Քրիսթոֆեր Նոլանի վերջին ֆիլմը՝ «Օպենհայմեր»-ը, արժանացել է 7 «Օսկար»-ի, այդ թվում՝ «Լավագույն ֆիլմ» եւ «Լավագույն ռեժիսոր» անվանակարգերում:
«Ոդիսականը» ֆիլմի թողարկումը նախատեսված է 2026թ. հուլիսի 17-ին։