Փորձագետները հայտնաբերել են այն ամենօրյա խմիչքը, որը կարող է 20%-ով նվազեցնել աղիների քաղցկեղի ռիսկը։ Հին ժամանակներից հայտնի է, որ կաթը լավ է ատամների և ոսկորների համար։ Այժմ փորձագետները պարզել են, որ օրական մեկ բաժակ կաթ խմելը կարող է մոտ 20%-ով նվազեցնել աղիների քաղցկեղի՝ հատկապես հաստ աղիքի քաղցկեղի ռիսկը։ Եզրահանգման են եկել միլիոնից ավելի կանանց մասնակցությամբ ուսումնասիրության հիման վրա։ Օրական 300 մգ կալցիումը, որը մոտավորապես պարունակվում է մեկ մեծ բաժակ կաթի մեջ, կարող է հաստ աղիքի քաղցկեղի ռիսկը 17%-ով նվազեցնել։ Dailymail_ի փոխանցմամբ` գիտնականները վերլուծել են ավելի քան 542,000 կանանց սննդակարգի տվյալները՝ ուսումնասիրելով 97 սննդամթերքների և սննդանյութերի ազդեցությունը քաղցկեղի զարգացման հավանականության վրա։ Հետազոտության արդյունքները ցույց են տվել, որ կալցիումով հարուստ սնունդն ու խմիչքները, ինչպիսիք են կաթն ու յոգուրտը, կապված են եղել 16 տարվա ընթացքում հիվանդության նվազեցված ռիսկի հետ։ Թիմը պարզել է, որ շատ պանիր կամ պաղպաղակ ուտելը ազդեցություն չի ունենում։Կաթի օգտագործումը ԱՄՆ-ում վերջին կես դարում գրեթե կիսով չափ նվազել է, և վաճառքները նվազում են նաև Մեծ Բրիտանիայում, քանի որ մարդիկ անցնում են վարսակի, նուշի և այլ կաթնամթերքից ազատ տարբերակների։ Օրական 20 գրամ ալկոհոլը, համաձայն ուսումնասիրության, 15%-ով բարձրացնում է քաղցկեղի ռիսկը։ Կարմիր և վերամշակված միսը ևս այն սննդամթերքներից են, որոնք կապված են հաստ աղիքի քաղցկեղի հնարավոր զարգացման հետ։ Երիտասարդների շրջանում դեպքերն աճում են, ինչը կապված է ժամանակակից սննդակարգերի, քիմիական նյութերի ազդեցության և նստակյաց կենսակերպի հետ։ Գիտնականների թիմը նշել է, որ կալցիումի պաշտպանիչ դերը կարող է պայմանավորված լինել հաստ աղիքում լեղաթթուներով և ազատ ճարպաթթուներով, ինչը նվազեցնում է դրանց հնարավոր քաղցկեղածին ազդեցությունը։
Հայտնաբերվել է խմիչք, որը կարող է նվազեցնել հաստ աղիքի քաղցկեղի ռիսկը
