56-ամյա երգչուհին, ով տառապում է հազվագյուտ նյարդաբանական խանգարմամբ, Instagram-ում հրապարակել է լուսանկար` կից երախտագիտության և հույսի խոսքեր գրելով. «Միասին ավարտեցինք ևս մեկ տարի, ես ուզում եմ իմ անկեղծ երախտագիտությունը հայտնել ձեր շարունակական աջակցության համար։ Ձեր սերն ու էներգիան ինձ ամեն օր ոգեշնչում են: Մաղթում եմ բոլորիդ ուրախ տոն՝ լի ջերմությամբ, ծիծաղով և նվիրական պահերով սիրելի մարդկանց հետ։ Ահա գալիք տարվա անսահման հնարավորությունները: Մաղթում եմ ձեզ ապահով արձակուրդներ և առասպելական Նոր տարի: Սելին…»,- գրել է նա։ Հիշեցնենք, որ 2022 թ-ի դեկտեմբերին Սելին Դիոնը Instagram-ի իր էջում գրառում էր կատարել, որում հայտարարել է, որ չեղարկում է եվրոպական շրջագայությունը ՝ իր մոտ ախտորոշված անբուժելի նյարդաբանական հիվանդության (Stiff Person Syndrome) պատճառով։Stiff Person Syndrome-ը՝ «Քարե մարդու համախտանիշը», հազվադեպ հանդիպող գենետիկ հիվանդություն է, որն առաջացնում է մարմնի հյուսվածքների ոսկրացում: Այս հիվանդությամբ տառապող մարդիկ չեն կարողանում քայլել կամ խոսել: Հիվանդության ժամանակ օրգանիզմում ձևավորվում է հավելյալ կմախք և մկաններն ու հյուսվածքներն աստիճանաբար վերածվում են ոսկորների։ Հիվանդությունը հանդիպում է ամբողջ աշխարհում 1 մլն մարդուց մեկի մոտ։