«Ապրելու երկիր» կուսակցության համահիմնադիր Մանե Թանդիլյանը Ռուբեն Վարդանյանի կնոջ և քրոջ հորդորով որոշել է դադարեցնել արդեն 12 օր շարունակվող հացադուլը։
Այս մասին Թանդիլյանը հայտարարել է Երևանի Ազատության հրապարակում կազմակերպված մամուլի ասուլիսի ընթացքում։
«Այս երկու օրվա ընթացքում մենք զրույց ենք ունեցել Ռուբեն Վարդանյանի ընտանիքի հետ։ Ռուբենի քույրը և կինը մեզ խնդրել են դադարեցնել հացադուլը։ Նրանք մեզ հորդորել են ուժեղ պահել Ռուբենին, որպեսզի մեր՝ այստեղ իրականացվող քայլով նա իրեն վատ չզգա Բաքվում»,-ասել է Մանե Թանդիլյանը։