ԱՐԴԱՐՈՒԹՅՈՒՆ

Լոգանքը 15 րոպեից ավելի չպետք է տևի, իսկ աղով՝ առավել ևս։ Մարտի 28-ին ամբողջ աշխարհում նշվում է <<Տաք լոգանքի>> օրը։ Տոնն, իհարկե, կատակային բնույթ ունի, բայց որոշ դեպքերում այս ամենօրյա պրոցեդուրան կարող է վնաս հասցնել առողջությանը, և սա արդեն կատակ չէ։ Սրտաբան Անդրեյ Կոնդրախինի խոսքով՝ այն իրականում ֆիզիոթերապևտիկ պրոցեդուրա է, և եթե ջերմաստիճանը հարմարավետ է, կարելի է որքան ցանկանաք մնաք այնտեղ, քանի որ ջուրը հանգստացնում է, և դրանում ոչ մի վատ բան չկա։ Սակայն եթե ջուրը շատ տաք է, ապա ջրային պրոցեդուրաները չպետք է շարունակվեն ավելի քան 10-15 րոպե։ Տարիքը որևէ նշանակություն չունի։ Առավել զգուշավոր պետք է լինեն նրանք, ովքեր ունեն սուր հիվանդություններ, բարձր ջերմություն կամ որևէ քրոնիկ հիվանդության սրացում։ Սա վերաբերում է նաև նրանց, ովքեր վերջերս վիրահատվել են կամ ունեն սրման փուլում գտնվող մաշկային հիվանդություններ։ Ինչ վերաբերում է աղով լոգանքին, ապա Կոնդրախինի խոսքով՝ երկար ժամանակ մնալ այնտեղ նույնպես խորհուրդ չի տրվում, քանի որ աղը հիպերտոնիկ լուծույթ է։ Այն քաշում է տոքսինները մաշկի միջով, առաջացնում է ջրազրկում, և այդպիսով դառնում է բուժական լոգանք, ոչ թե պարզապես հանգստացնող։ Այդ պատճառով պետք է շատ զգույշ լինեք։ Եթե անհարմար եք զգում, պետք է անհապաղ դուրս գալ ջրից։ Ավելի վաղ բժիշկները բացահայտել էին, թե ինչպիսի՞ ցնցուղ է պետք ընդունել բարձր ջերմության ժամանակ՝ սառը թե՞ տաք։ Պարզվե է, որ ոչ մեկը։ Հիվանդության ընթացքում ցնցուղ ընդունելը ոչ միայն դժվար, այլև վտանգավոր կարող է լինել։ Եթե մարմնի ջերմաստիճանը 38 °C-ից բարձր է, ապա տաք, նույնիսկ գոլ ջուրը կարող է նպաստել էլ ավելի բարձր ջերմության առաջացմանը և մեծացնել սրտի ծանրաբեռնվածությունը։