Ռուսաստանի Անվտանգության խորհրդի փոխնախագահ Դմիտրի Մեդվեդևը հայտարարել է, որ Կիևը յուրացրել է Արևմուտքից ստացած 500 միլիարդ եվրոն։
Մեդվեդևի խոսքով՝ 2022 թվականից Արևմտյան երկրները Ուկրաինային փոխանցել են մոտ 500 միլիարդ եվրո, որի զգալի մասը «յուրացվել է կիևյան ռեժիմի կողմից»։
Իր Telegram ալիքում նա նշել է, որ այդ միջոցներով կարելի էր կառուցել «նոր, չեզոք և բարեկեցիկ Ուկրաինա»։ Նրա խոսքով՝ «գողության չափերն անցնում են ողջախոհության բոլոր սահմանները»։
Քաղաքական գործիչը նաև համեմատել է իրավիճակը ԱՄՆ-ի՝ Աֆղանստանում արվող ծախսերի հետ՝ ընդգծելով, որ Վաշինգտոնը 20 տարվա ընթացքում այնտեղ ծախսել է տրիլիոն դոլարներ, բայց արդյունքում «իշխանությունը փոխանցել է թալիբներից թալիբներին»։
Մեդվեդևի կարծիքով՝ որքան ավելի շատ է Արևմուտքը աջակցում Կիևին, այնքան ավելի ծանր կլինի ներկայիս ռեժիմի ավարտը։
Նրա խոսքերով՝ աճող արևմտյան օգնությունը չի կարող փոխել հակամարտության ելքը և միայն կբերի Ուկրաինայի հետագա թուլացմանը։ Մեդվեդևը վստահություն է հայտնել, որ ի վերջո «բոլոր ի սկզբանե ռուսական տարածքներն ու քաղաքացիները կվերադառնան Ռուսաստանի իրավազորության ներքո»։