Ռուսաստանի նախկին նախագահ և ՌԴ Անվտանգության խորհրդի փոխնախագահ Դմիտրի Մեդվեդևը կրկին սպառնացել է Ուկրաինայի ոչնչացմամբ։ ԱՄՆ-ի հետ օգտակար հանածոների վերաբերյալ գործարքի կապակցությամբ նա իր Telegram-ում գրել է.
«Բայց Թրամփը հասցրեց, որ կիևյան ռեժիմը ամերիկյան օգնության դիմաց վճարի օգտակար հանածոներով։ Այժմ ռազմական մատակարարումների դիմաց ստիպված կլինեն վճարել անհետացող երկրի ազգային հարստություններով»։
Նշենք, որ Ուկրաինան և ԱՄՆ-ը ստորագրել են օգտակար հանածոների մասին համաձայնագիրը։
Համաձայնագիրը նախատեսում է համատեղ ներդրումային հիմնադրամի ստեղծում, տնտեսական գործընկերություն երկու երկրի միջև, որը նախատեսված է ապահովելու, որ «համատեղ ակտիվները և հնարավորությունները կարող են արագացնել Ուկրաինայի տնտեսական վերականգնումը»:
«Այս համաձայնագիրը հստակ ուղերձ է ուղարկում Ռուսաստանին, որ Թրամփի վարչակազմը հավատարիմ է խաղաղ գործընթացին, որը կենտրոնացած է ազատ, ինքնիշխան և երկարաժամկետ բարգավաճ Ուկրաինայի վրա»,- ասել է ԱՄՆ ֆինանսների նախարար Սքոթ Բեսենտը:
ԱՄՆ-ի ֆինանսների նախարար Սքոթ Բեսսենտը գործարքը անվանել է «պատմական» տնտեսական համաձայնագիր և հայտարարել, որ այն Ռուսաստանի ղեկավարությանը հստակ ազդանշան է, որ Թրամփի վարչակազմը երկարաժամկետ հեռանկարում հանդես է գալիս խաղաղ գործընթացի օգտին, որի կենտրոնում կանգնած է «ազատ, ինքնիշխան և բարգավաճ Ուկրաինան»։
Դոնալդ Թրամփը ևս մեկնաբանել է Ուկրաինայի հետ նոր ստորագրված հումքի վերաբերյալ համաձայնագիրը ամերիկյան NewsNation հեռուստաալիքի եթերում։ Համաձայնագիրը «տեսականորեն» նշանակում է, որ ԱՄՆ-ն կստանա ավելին, քան ներդրել է.
«Ես ուզում էի երաշխիք ունենալ։ Չէի ուզում հիմար տեսք ունենալ՝ իմ ներդրումների դիմաց ոչինչ չստանալով»,-ասել է Թրամփը։