Daily Mail-ի հաղորդմամբ՝ Մեծ Բրիտանիայում սկսվել է բարձր վարակիչ քոսի համաճարակ։ Երկրում քոսի դեպքերի աճ է գրանցվել, և հիվանդությունը առաջացնող մաշկային տզերը այլևս չեն ենթարկվում ավանդական բուժման մեթոդներին։
Բրիտանական Դերմատոլոգների ասոցիացիայի տվյալներով՝ մոտ 200 հազար մարդ տառապում է այս հիվանդությունից, որոնց մեծ մասը դեռահասներ և տարեցներ են։ Վերջին ամիսներին դեպքերի թիվը կտրուկ աճել է, իսկ ստանդարտ բուժման մեթոդները հաճախ անարդյունավետ են, ինչը նպաստում է վարակի արագ տարածմանը։
Քոսով կարելի է վարակվել հիվանդի հետ շփվելիս կամ ընդհանուր սրբիչներ ու անկողնային պարագաներ օգտագործելիս։ Հաճախ հիվանդությունը տարածվում է ընտանիքներում կամ ծերանոցների բնակիչների շրջանում։