«Իրանը տարածաշրջանային անկայունության և ահաբեկչության հիմնական աղբյուրն է», — ասվում է Կանադայում դեռևս չավարտված գագաթնաժողովի արդյունքների վերաբերյալ Մեծ յոթնյակի(G7) առաջնորդների հայտարարության մեջ,_մեջբերում է The Guardian-ը։
«Յոթնյակի» առաջնորդները վստահ են, որ Իրանը երբեք չպետք է ունենա միջուկային զենք։ Պետությունների ղեկավարները վերահաստատել են իրենց նվիրվածությունը Միջին Արևելքում խաղաղությանն ու կայունությանը՝ միաժամանակ ընդգծելով իրենց աջակցությունը Իսրայելին և նշելով, որ այն «իրավունք ունի ինքնապաշտպանության»:
The New York Times-ի տվյալներով՝ հայտարարությունը ստորագրել են բոլոր յոթ առաջնորդները, ներառյալ Դոնալդ Թրամփը, որը լքել է գագաթնաժողովը՝ Միջին Արևելքում ստեղծված իրավիճակի ֆոնին։