Հունվարի 31-ից մեկնարկել է ջրծաղիկի դեմ պատվաստումների իրականացման գործընթացը` փուլային եղանակով։
Առաջին փուլով պատվաստումներն իրականացվելու են 2023 թվականի նոյեմբերի 1-ից հետո ծնված և 12 ամսականը լրացած երեխաների շրջանում, ովքեր չունեն փաստագրված ջրծաղիկի դեմ պատվաստումային կարգավիճակ կամ ջրծաղիկով հիվանդացման փաստ։
-Հայաստանում և աշխարհի մի շարք երկրներում ջրծաղիկը հանրային առողջապահական հիմնախնդիր է։ Այն խիստ վարակիչ հիվանդություն է։ Վերջին 15 տարիների ընթացքում ջրծաղիկով հիվանդացել է տարեկան միջինում 15․000 մարդ։ Հիմք ընդունելով այն հանգամանքը, որ աշխարհում առկա են արդյունավետ պատվաստանյութեր՝ ջրծաղիկի դեմ, որոնք օգնում են կանխել հիվանդացությունը, ինչպես նաև մահացու ելքերը, ՀՀ-ն որոշել է պատվաստումային օրացույցում ևս ներառել ջրծաղիկի դեմ պատվաստանյութ և ևս մեկ վարակիչ հիվանդություն դարձնել կառավարելի ,-մամուլի ասուլիսի ժամանակ ասաց ՀՎԿԱԿ տնօրենի տեղակալ Զարուհի Գրիգորյանը։
Իմունականխարգելման և կառավարելի վարակիչ հիվանդությունների համաճարակաբանության վարչության պետ Սվետլանա Գրիգորյանն էլ հայտնեց, որ պատվաստումից հետո կարող է լինել կարճատև ջերմության որոշակի բարձրացում, ընդհանուր թուլություն, ներարկման տեղի ցավ։
-Հիմնականում ջրծաղիկով կյանքում մեկ անգամ են վարակվում, սակայն գրանցվել են դեպքեր, երբ կրկնակի հիվանդության դեպքեր են գրանցվել։ Այն մեծ թիվ չի կազմում և հիմքում անձի օրգանիզմի առանձնահատկությունն է,-ընդգծեց Սվետլանա Գրիգորյանը։
ՀՎԿԱԿ տնօրենի տեղակալը հայտնեց, որ 2027թ․ առաջին պատվաստումը ստացածների համար երկրորդ դեղաչափն է ներդրվելու, երբ ներկայիս 1 տարեկանները կլինեն 4-6 տարեկանի միջակայքում, ապա փուլային կարգով իրականացվելու է զորակոչային և նախազորակոչային տարիքի անձնանց շրջանում է իրականացվելու։