news.am-ը գրում է․ Մի քանի ռուսական թելեգրամյան ալիքներ երեքշաբթի հաղորդել են Մոսկվայի կենտրոնում, Յարոսլավսկի երկաթուղային կայարանի մոտակայքում, տղամարդու առեւանգման մասին, որն օգնության է կանչել անցորդներին եւ խնդրել նրանց ոստիկանություն կանչել։
Առեւանգվածը, ենթադրաբար, հայ գործարար Արեգ Շչեպիխինն է, որը, ինչպես նշված է նրա սոցցանցերում, աշխատում է «ՓՄՁ» կորպորացիա» ԲԸ-ում, գրել է ASTRA-ն։
Մի շարք առցանց պարբերականներ, այդ թվում՝ Baza-ն, գրել են, որ առեւանգված անձին Մոսկվայի կենտրոնից տարել են թարթող լույսով մեքենայի բեռնախցիկում։ SOTA-ն նշել է, որ մեքենան ունեցել է Պահպանության դաշնային ծառայությունում գրանցված համարանիշ։
Ոստիկանությունը հետաքննություն է սկսել, հայտնել է ներքին գործերի նախարարության Կենտրոնական դաշնային օկրուգի տրանսպորտի վարչությունը։ Վարչությունը հայտնել է, որ սոցիալական ցանցերի մոնիթորինգի ընթացքում «հայտնաբերվել է Յարոսլավսկի երկաթուղային կայարանում անձի նկատմամբ անօրինական գործողությունների մասին հրապարակում»։
Միջադեպի տեսանյութը հրապարակվել է Baza եւ 112 թելեգրամ-ալիքներով։ Կադրերում երեւում է, թե ինչպես են տղամարդուն ձեռքերից ու ոտքերից բռնած քարշ տալիս կայարանի շենքով եւ խցկում թարթող լույսով եւ АМР համարանիշներով մեքենայի բեռնախցիկում։
Այդ պահին տղամարդը օգնություն է կանչում եւ գոռում. «Սա ոստիկանությունը չէ»։
Մանրամասները՝ սկզբնաղբյուր կայքում