Մոսկվայում մահափորձից հետո հիվանդանոցում մահացել է Դոնեցկի Ժողովրդական Հանրապետության բռնցքամարտի ֆեդերացիայի ղեկավար Արմեն Սարգսյանը:
«Սարգսյանը մահացել է հիվանդանոցում», - ասել է ՏԱՍՍ գործակալության զրուցակիցը։
Նրա մահվան մասին տեղեկությունը հաստատել են նաև նրա մերձավորները:
Ավելի վաղ լրատվամիջոցները հայտնել էին, որ Դոնեցկի Ժողովրդական Հանրապետության (ԴԺՀ) բռնցքամարտի ֆեդերացիայի ղեկավար Արմեն Սարգսյանը, որը Դոնբասում կամավորական գումարտակներից մեկի հիմնադիրն է, ծանր վիրավորվել է Մոսկվայի «Ալիե պառուսա» բնակելի համալիրում տեղի ունեցած պայթյունի հետևանքով։
«Ալիե պառուսա» բնակելի համալիրում Արմեն Սարգսյանի դեմ մահափորձը եղել է պատվիրված և հանգամանորեն պլանավորված, նշել են օպերատիվ ծառայություններում:
Իր հերթին «ՌԻԱ Նովոստի»-ն, վկայակոչելով իրավապահ մարմիններում իր աղբյուրներին, գրել է, որ Սարգսյանի վիճակը ծայրահեղ ծանր է
Ավելի վաղ հաղորդվել էր, որ պայթյունի հետևանքով զոհվել է 1 տղամարդ, 4 մարդ վիրավորվել է։
Ըստ իրավապահների՝ պայթյունի նպատակը եղել է մահափորձը։