ԱՐԴԱՐՈՒԹՅՈՒՆ

Սննդակարգը, որը հարուստ է խաղողով, ելակով, նարինջով, շոկոլադով, սուրճով և այլ պոլիֆենոլներով հարուստ մթերքներով, գրեթե քառորդով կարող է նվազեցնել մետաբոլիկ համախտանիշի առաջացման ռիսկը։ Հետազոտությունը կատարվել է Բրազիլիայի Սան Պաուլուի համալսարանում: Մետաբոլիկ համախտանիշը նյութափոխանակության և հորմոնալ հավասարակշռության խանգարումների համակցություն է: Այն ներառում է որովայնային գիրություն, բարձր ճնշում, արյան մեջ շաքարի բարձր մակարդակ, տրիգլիցերիդների ավելցուկ և լիպիդային փոխանակության խանգարումներ: Հետազոտության արդյունքները. «Լավ նորություն մրգերի, շոկոլադի, սուրճի և գինու սիրահարների համար>>։ Այս բոլոր մթերքները հարուստ են պոլիֆենոլներով։ Թեև դրանց օգտագործման և մետաբոլիկ համախտանիշի ռիսկի նվազման միջև կապը նախկինում էլ էր քննարկվում, մեր հետազոտությունն առաջինն էր, որը կատարվել է այսքան մեծ մասշտաբով՝ 6 378 մասնակից և ութ տարվա դիտարկում»,- նշում է հետազոտության հեղինակ, պրոֆեսոր Իզաբելլա Բենսենյորը: Մասնակիցներին հարցրել են իրենց սննդակարգի մասին՝ հաշվի առնելով 92 պոլիֆենոլներով հարուստ մթերքների օգտագործման հաճախականությունը, ինչպես նաև դրանց պատրաստման ու մշակման եղանակները: Հետազոտության արդյունքները ցույց են տվել, որ օրական 469 մգ պոլիֆենոլներ օգտագործողները (մասնակիցների մեջ ամենաբարձր ցուցանիշը) 23%-ով ավելի քիչ են ենթարկվել մետաբոլիկ համախտանիշի զարգացման ռիսկին, քան նրանք, ովքեր օրական ստացել են 177 մգ։ Առավել արտահայտված ազդեցություն են ունեցել սուրճի, թեյի և կարմիր գինու մեջ պարունակվող ֆենոլային թթուները: Պոլիֆենոլների ազդեցությունը առանձին խանգարումների վրա. Գիտնականները նաև ուսումնասիրել են, թե ինչպես են պոլիֆենոլները ազդում առանձին նյութափոխանակային խանգարումների՝ հիպերտոնիայի, ինսուլինային ռեզիստենտության և արյան մեջ բարձր տրիգլիցերիդների մակարդակի վրա: Արդյունքները ցույց են տվել, որ անկախ սեռից, տարիքից, ֆիզիկական ակտիվության մակարդակից և վնասակար սովորություններից՝ պոլիֆենոլներով հարուստ սննդակարգ ունեցող մարդկանց մոտ հիպերտոնիայի կամ ինսուլինային ռեզիստենտության զարգացման հավանականությունը նվազել է 30 անգամ, իսկ տրիգլիցերիդների բարձր մակարդակի հավանականությունը՝ 17 անգամ: Եզրակացություն. Գիտնականները եզրակացրել են, որ պոլիֆենոլների բավարար օգտագործումը կարող է առանցքային գործոն լինել սրտանոթային և նյութափոխանակային հիվանդությունների կանխարգելման համար: Բացի այդ, կարևոր չեն միայն առանձին մթերքները, այլև սննդակարգի բազմազանությունը: Որքան ավելի շատ պոլիֆենոլային աղբյուրներ լինեն սննդակարգում, այնքան ավելի լավ կազդեն դրանք աղիքային միկրոֆլորայի և ընդհանուր առողջության վրա: Ավելի վաղ գիտնականները պարզել էին, որ նախաճաշին ընկույզի օգտագործումը կարող է արագորեն բարելավել ուղեղի աշխատանքը: