Այս շաբաթ եզակի տեսարան է սպասվում. յոթ մոլորակ՝ Մարսը, Յուպիտերը, Ուրանը, Վեներան, Նեպտունը, Մերկուրին և Սատուրնը, կարճ ժամանակով տեսանելի կլինեն երեկոյան երկնքում։ Այս երևույթը, որը հայտնի է որպես «մոլորակների շքերթ», հազվադեպ է լինում, և սա կլինի վերջին անգամ, երբ յոթ մոլորակ հնարավոր կլինի միաժամանակ այսքան պարզ տեսնել մինչև 2040 թվականը։ Մոլորակները դիտելու լավագույն հնարավորությունը կլինի հենց մայրամուտից հետո՝ երեքշաբթի, չորեքշաբթի, հինգշաբթի և ուրբաթ։ Չորս մոլորակ՝ Մերկուրին, Վեներան, Յուպիտերը և Մարսը, հնարավոր կլինի տեսնել անզեն աչքով։ Սատուրնը տեսնելն ավելի դժվար կլինի, քանի որ այն շատ ցածր կլինի հորիզոնում։ Մյուս երկու մոլորակները՝ Ուրանը և Նեպտունը, նկատելու համար աստղադիտակ կպահանջվի։ Հինգշաբթի օրը սպասվում է ավելի չոր ու պարզ երկինք։ Լավագույն ժամանակը դիտման համար կլինի երեկոյան վաղ ժամերին, քանի որ գիշերվա ընթացքում մառախուղ և մշուշ կարող է ձևավորվել։
Յոթ մոլորակ վերջին անգամ տեսանելի կլինի գիշերային երկնքում` մինչև 2040 թվականը
