Եթե ծխելը թողնելը ձեր ամանորյա որոշումն է, նոր հետազոտությունները ցույց են տալիս, որ դա կարող է երկարացնել ձեր կյանքը:
Բրիտանացի ծխողների հետ արված նոր հետազոտության համաձայն՝ յուրաքանչյուր ծխախոտը կարող է միջինը 20 րոպեով կրճատել ձեր կյանքի տևողությունը:
Յուրաքանչյուր ծխախոտ կարող է կրճատել ձեր կյանքը միջինը 20 րոպեով,_ասվում է հետազոտության վերաբերյալ հրապարակված հոդվածում։
Հաշվի առնելով սոցիալ-տնտեսական կարգավիճակը և այլ գործոններ՝ գիտնականները ծխելուց հետո կյանքի տևողությունը գնահատել են մոտ 17 րոպե տղամարդկանց համար, իսկ 22 րոպե կանանց համար,_նշված է«Addiction» ամսագրում : Այս ուսումնասիրությունները ցույց են տվել, որ այն մարդիկ, ովքեր թողել են ծխելը շատ երիտասարդ տարիքում, այսինքն՝ 20 կամ 30 տարեկանում, հակված են կյանքի նույն տևողությունը ունենալ այն մարդկանց հետ, ովքեր երբեք չեն ծխել: Բայց, անկախ նրանից, թե քանի տարեկան եք, երբ թողնեք ծխելը` միշտ կունենաք ավելի երկար կյանքի տևողություն, քան, եթե շարունակեիք ծխել: Այսինքն, հնարավոր է կանխել կյանքի տևողության հետագա կորուստը։ Ի դեպ, մինչև 40 տարեկանը ծխելը թողնելը կարող է նվազեցնել ծխելու հետ կապված հիվանդություններից մահանալու ռիսկ։