Ֆուտուրոլոգը (ապագայագետ) ներկայացրել է համարձակ գաղափար՝ մարդկային քաղաքակրթության տեխնոլոգիական զարգացման դժվար պատկերացվող հնարավորությունների մասին։
-Ապագայի տեխնոլոգիաները կարող են մարդուն նվիրել անմահություն,-հայտարարել է Ֆուտուրոլոգների ասոցիացիայի և Ռուսաստանի փիլիսոփայական հասարակության անդամ Ալեքսանդր Կոնոնովը։ Նա բացատրել է, որ այս առումով ամենակարևոր խնդիրը մարդու անհատականության պահպանումն է նրա մարմնի կենսագործունեության դադարեցումից հետո։
Ֆուտուրոլոգը նշել է, որ մոլեկուլի չափի բազմաթիվ ռոբոտների համադրությունը կարող է որսալ մարդու ուղեղի ամբողջ տեղեկատվությունը և արհեստականորեն վերարտադրել նրա մտավոր գործընթացը։
Գիտությունների թեկնածուն հիշեցրել է, որ XIX դարի նշանավոր ռուս փիլիսոփա Նիկոլայ Ֆյոդորովը անմահության ձեռքբերումը համարել է մարդկության գլխավոր խնդիրներից մեկը։ Ալեքսանդր Կոնոնովի կարծիքով՝ 21-րդ դարում գիտությունը արդեն մոտենում է այս խնդրի տեխնիկական լուծմանը։
Նա նաև համոզմունք է հայտնել, որ ապագայի մարդիկ պետք է սովորեն կառավարել տարածություն-ժամանակը, ինչը անհնար չէ։ Նրա կարծիքով՝ այս հարցի բանալին պետք է փնտրել քվանտային մասնիկների ֆիզիկայում։