Մեքենա, որը կարող է մտածել ինչպես մարդը՝ հնչում է որպես գիտական ֆանտաստիկա, բայց ժամանակակից աշխարհի ամենաազդեցիկ մտքերից մեկի խոսքով՝ դա մոտ ապագայի հարց է։ Ըստ Դիմիս Հասսաբիսի՝ արհեստական բանականությունը, որն ունի մարդու ամբողջական գիտակցական կարողությունները, կարող է ստեղծվել շատ ավելի շուտ, քան մարդկությունն առհասարակ պատրաստ է դրան։
DeepMind-ի գործադիր տնօրեն և 2024 թվականի քիմիայի Նոբելյան մրցանակակիր Դեմիս Հասսաբիսը հայտարարել է, որ մարդկությունն արդեն կանգնած է ընդհանուր արհեստական ինտելեկտի (AGI) ստեղծման շեմին։ Սա այնպիսի համակարգ է, որն ունակ է լուծել ցանկացած ինտելեկտուալ խնդիր՝ մարդու մակարդակով։ Ժամկետները տպավորիչ են. ըստ նրա՝ դա կարող է տեղի ունենալ արդեն առաջիկա 5–10 տարվա ընթացքում։
Նա վստահ է՝ AGI-ի ի հայտ գալը կարող է արմատապես փոխել ամեն ինչ՝ առողջապահությունից մինչև գլոբալ տնտեսություն։ Նման տեխնոլոգիաների հնարավորությունները գրեթե անսահման են, հատկապես եթե դրանց ներդրումը լինի պատասխանատու և ողջ հասարակության շահերի հաշվառմամբ։
«Մենք կապրենք առատության աշխարհում՝ եթե կարողանանք այն ներդնել անվտանգ ու պատասխանատու ձևով»
— Դեմիս Հասսաբիս, DeepMind-ի գործադիր տնօրեն
Հասսաբիսը ընդգծում է, որ AGI-ն կարող է դառնալ գիտական խոշոր առաջընթացների շարժիչ՝ միջուկային միաձուլումից և մաթեմատիկայից մինչև բժշկություն։ Սակայն նա նաև չի բացառում վտանգները. ինչպես ցանկացած հեղափոխություն, տեխնոլոգիական ալիքը կարող է ավերել հին աշխատատեղերը և հիմքեր։ Որպես օրինակ նա բերում է արդյունաբերական հեղափոխությունը, որը, չնայած առաջընթացին, ցավ պատճառեց շատերին։
Ըստ նրա՝ այս ամենի մասշտաբը կարող է գերազանցել այն ամենը, ինչ մարդկությունն երբևէ տեսել է․ AI-ի հեղափոխությունը կլինի արդյունաբերական հեղափոխությունից 10 անգամ մասշտաբային և 10 անգամ արագ։ Հարցն այն է՝ կհասնե՞նք արդյոք հարմարվել այդպիսի փոփոխության տեմպին՝ և ով իրականում կշահի AGI-ի դարաշրջանից։
Հասսաբիսը շատ լավ գիտի՝ ինչի մասին է խոսում։ Հենց նա և իր գործընկեր Ջոն Ջամփերը արժանացան Նոբելյան մրցանակի AlphaFold2-ի ստեղծման համար՝ AI մոդել, որն ունակ է բարձր ճշգրտությամբ կանխատեսել սպիտակուցների կառուցվածքը։ Այդ հայտնագործությունն արդեն դարձել է կյանքի կենսաբանությունը հասկանալու բանալին։ Այժմ գիտնականը պատրաստվում է ստեղծել ոչ միայն գործիք, այլ ամբողջական բանականություն՝ թվային մարմնում։