Այս 100 դուկատանոց մետաղադրամը, որի վրա պատկերված է Հաբսբուրգի Ֆերդինանդ III-ը, գրեթե 400 տարեկան է և կշռում է 348.5 գրամ։ Այն հատվել է 1629 թվականին` որպես երիտասարդ թագավորի նվեր` գերմանացի իշխաններին։

Երեքուկես շոկոլադե սալիկին համարժեք կշռով մետաղադրամը երբևէ հատված ամենամեծ եվրոպական ոսկե մետաղադրամն է։ Այն նաև չափազանց հազվագյուտ է. գոյություն ունի ընդամենը երեք օրինակ։ Այն «Ճանապարհորդ» հավաքածուի մաս է կազմում, որը պարունակում է ավելի քան 15,000 մետաղադրամ։ Դրանք բոլորը մոտ 50 տարի պահվել են գաղտնի ստորգետնյա պահոցում։ Երկրորդ համաշխարհային պատերազմի ժամանակ դրանց անանուն մեկը՝ «Ճանապարհորդ» մականունով և թաքցրել է իր գանձերը նացիստներից։

Ամբողջ հավաքածուն գնահատվում է ավելի քան 100 միլիոն դոլար։ Նոյեմբերի սկզբին Ցյուրիխի «Numismatica Ars Classica» աճուրդի տունը վաճառքի կհանի «Ճանապարհորդ» մետաղադրամները, ինչը դրանք կդարձնի «աճուրդում երբևէ առաջարկված մետաղադրամների ամենաարժեքավոր խումբը»։ Ֆերդինանդ III մետաղադրամը «հավանաբար բոլոր ժամանակների ամենաարժեքավոր եվրոպական ոսկե մետաղադրամն է», որի գնահատված արժեքը կազմում է ավելի քան 2,14 միլիոն եվրո։