ԳԼԽԱՎՈՐ
donate

Like this:

Ուկրաինան ռուս երգիչ Նիկոլայ Բասկովի նկատմամբ հետախուզում է հայտարարել

Ուկրաինայի անվտանգության ծառայությունը (ՈւԱԾ) Ռուսաստանի ժողովրդական արտիստ Նիկոլայ Բասկովի նկատմամբ հետախուզում է հայտարարել։ Այս մասին հայտնում է ՏԱՍՍ-ը՝ հղում անելով գործակալության տվյալների բազային։ Ինչպես նշում է գործակալությունը, երգչի նկատմամբ հետախուզում հայտարարվել է դեռևս 2022 թվականի մարտի ամսին։

Նա մեղադրվում է երկրի տարածքային ամբողջականության նկատմամբ ոտնձգություն կատարելու մեջ։ Բասկովի նկատմամբ հեռակա կարգով խափանման միջոց է կիրառվել կալանքը։

Ավելի վաղ երգիչը բողոքել էր, որ իր դեմ կիրառված պատժամիջոցների պատճառով չի կարող հանգստանալ շատ երկրներում։ Նրա խոսքով՝ նա կարող է այցելել միայն Թուրքիա, Աֆրիկա, Դուբայ և Մալդիվներ։

Ուկրաինայում հետախուզում է հայտարարվել նաև ռուս երգիչ Գրիգորի Լեպսի նկատմամբ։ Նրան հեռակա մեղադրանք է առաջադրվել հատուկ ռազմական գործողությանը (ՍՎՕ) աջակցելու կապակցությամբ։

Like this:

Translate »