Ես չգիտեմ որտեղ է տեղադրվելու Հիսուսի արձանը, բայց վստահ եմ, որ հուշարձանի տարածքում չի տեղադրվելու: Այս մասին այսօր՝ հունվարի 8-ին, 2024 թվականն ամփոփող մամուլի ասուլիսի ժամանակ ասաց ԿԳՄՍ նախարար Ժաննա Անդրեասյանը՝ անդրադառնալով հարցին, թե ի վերջո որտե՞ղ է տեղադրվելու Հուսուսի արձանը:
«Այյդտեղ ամրոցի հետքեր էին հայտնաբերվել և հիմնադրամի հետ հուշագրի շրջանակներում նաև պեղումներ են իրականացվել, ամբողջությամբ առանձնացվել է հուշարձանի հատվածը, ճանաչվել է նաև որպես նորահայտ հուշարձան, և այդ իմաստով կարող եմ ձեզ վստահեցնել, ես չգիտեմ որտեղ է տեղադրվելու, բայց վստահ եմ, որ հուշարձանի տարածքում չի տեղադրվելու: Դրանում կարող եմ վստահեցնել, որովհետև պեղումները արվել էին նաև այն պատճառով, որպեսզի մենք կարողանանք հուշարձանի ամբողջ տարածքը պատկերացնել: Պետք է ասեմ, որ նաև հետաքրքիր գտածոներ ունենք, հին մետաղադրամներ: Կիկլոպյան ամրոցի մասին է խոսքը, ես ինքս եղել եմ պեղումների տարածքում և կարծում եմ, որ դա կարող է դառնալ նաև հետաքրքիր զբոսաշրջային վայր»,-մանրամասնեց նախարարը։