Լոս Անջելեսի Կալիֆոռնիական համալսարանի վիրաբույժները պատմության մեջ առաջին անգամ մարդու միզապարկի փոխպատվաստում են իրականացրել։
Բարդ պրոցեդուրան ներառում էր ինչպես նոր միզապարկի, այնպես էլ դոնորից վերցված նոր երիկամի փոխպատվաստում։ Վիրաբույժները նախ փոխպատվաստել են երիկամը, այնուհետև՝ միզապարկը, որից հետո երիկամը միացրել են նոր միզապարկին։
Վիրահատությունը տևել է մոտ ութ ժամ, իսկ հիվանդի երիկամների ֆունկցիան անմիջապես բարելավվել է։
Հիվանդը 41-ամյա տղամարդ է եղել, ով 7 տարի դիալիզ է ստացել։ Բժիշկները նշել են, որ միզապարկի հաջող փոխպատվաստումը կարող է նոր գլուխ բացել միզուղիների ծանր խանգարումներ ունեցող հիվանդների բուժման մեջ։
Վերջերս բժշկական աշխարհը ցնցել է ևս մեկ սենսացիա. Իտալիայի Պադովա քաղաքում առաջին անգամ փոխպատվաստեցին աշխատող սիրտ։ Վիրահատությունն անցկացվեց առանց օրգանի աշխատանքը դադարեցնելու. այն շարունակում էր բաբախել հեռացման պահից մինչև իմպլանտացումը։ Բժիշկների խոսքով, նման մեթոդը նվազեցնում է ռիսկերը և նոր հնարավորություններ է բացում սիրտ-անոթային ավիրաբուժության համար։ Մասնագետներն այն անվանում են «Կոպեռնիկոսյան հեղափոխություն» տրանսպլանտոլոգիայում։